¹ Nayan medapag den dan si Jesus te Jerusalem aw doton den te menge baryo te Bitpahi aw Bitanya kidoen te bontod te menge Olibo; pigpeona i Jesus se dedowa tinuledaan din aw ² inikagihan, "Ona kaw doton te sonod baryo. Peg-awop niyo, doen ketelaan niyo nati koda iniketen. Weda iyan mulun kesekayi. Lebadi niyo aw ibingi dini. ³ Aw doen meg-insa kenyo, 'Nenga eg-inangen niyo ini?' Keilangan ini te Timanem aw ipeoli iya te eked kenamay.' " ⁴ Aw nesayo dan aw pegdateng dan doton te baryo kinita dan se nati te koda te dapag te dalan nekeiket te lelebangan te sebad balay. Te peglebad dan ini, ⁵ doen menge timindeg doton mig-insa kandan, "Hoy, eden se ininang niyo siyan? Nenge linebad niyo se koda?" ⁶ Aw tinaba dan se menge otaw teped te inikagi i Jesus aw pigkebiyaan dan te mge otaw. ⁷ Penga niyan inibing dan se nati koda ki Jesus. Pegdateng doton pig-ampalan dan ini te kandan menge saol aw sinekayan den i Jesus pesalo te jerusalem. ⁸ Medita menhge otaw se migladlad te kandan menge saol te dalan, aw se doma migsawol te menge panga medita dawen tinepo dan iyan lekat te pawa. ⁹ Se menge nekeona ki Jesus aw se menge timetondog nemegais, "Ideyen se Timanem! Pigpenelanginan te Timanem se kandin pineibig! ¹⁰ Pigpenelanginan te Timanem se domateng Gingharian te kenitadon kemonaan si David! Ideyen tedon se Timanem!" ¹¹ Pegdateng i Jesus te Jerusalem, minawop sikandin te simbahan timenteng sikandin te kelahat menge sawol-sawol doton te dalem. Pegkepenga, limowa sikandin so agpet den somallep se aldaw, aw dimoton te Bitanya doma se kandin sempolo teg dowa tinoledaan din. ¹² Pegkealdawan niyan, te pegtaman dan te Bitanya limiko te Jerusalem, binallos si Jesus. ¹³ Doton te mona, dooen kinita din se kayo igi ra onto dawenen, aw pigdotonan din amon te pegtengteng aw don pongo nini, meneng wedad kinita din pongo tomalag dawen olo, so kena pa aldaw te pegpemongo te igira. ¹⁴ Nayan minikagi si Jesus te kayo igira, "Lekat sein wedad den otaw mekekaen te ware kamno pongo!" Dinineg te kandin menge tinulodaan se kandin inikagi. ¹⁵ Pegdateng dan te Jerusalem, minawop si Jesus te simabahan, impekadas din se menge otaw egpemeligya aw egpemayad doton dalem te simbahan. Impelias din se menge lemisa te menge egliwan te kwarta aw se menge onsadanan te menge egpemeligya te menge selepati ibegay diya te Timanem. ¹⁶ Weda sikandin togot te bisan sine mengibig te menge kedonan dan mokit te dowangen te simbahan. ¹⁷ Aw tinuledaan din se menge otaw doton dalem te simabahn te peg-ikagi, "Minikagi se Timanem diya te kesolatan se kanak balay tawalen te pegtawal-tawal alang te kelahat te keneyonan? Meneng ininang niyo ini elesanante menge egpenakaw." ¹⁸ Sidekey i Jesus dinineg te kedekelan te menge pari aw te menge egpenolada te punu aw yan nemaha dan te peokit amon imetayan sikandin. Meneng nelemitan an kandin so onto mepelahan te menge otaw se kandin intolada. ¹⁹ Pegsallep te aldaw timanan te siyudan si Jesus dan te kandin menge tinuledaan. ²⁰ Pegkeiselemanan, te l;imiko dan pesalo te Jerusalem, doton dan heman okit depat te kayo Igira, aw kinita dan te melanes aw nematay den. ²¹ Naaneng-anengan i Pedro se nehitabo nayan minikagi sikandin ki Jesus, "Sir, tengtengi se kayo igira pigtollonan ko! Nelanes den!" ²² Minikagi si jesus kandan, "Pemenal kaw te Timanem! ²³ Se benal, aw doen pegpemenal niyo, mekesogo kaw te bontod, 'Alin ka dotong te dagat,' aw mememnal kaw te seini mehitabo aw weda kaw pegdowa-dowa metoman iyan sumala te kenyo inikagi. ²⁴ Nayan kegihan taw sikeyo pengkey eden se pemoyoen niyo te Timanem pineokit te pegtawal-tawal, pemenal kaw te nedawat den niyo aw medawat gayed niyo ini. ²⁵ Aw megtawel-twael kaw, pegwedadi ona se menge nekesala diya kenyo amon se kanyo menge sala pegwedaden heman te kenyo amay te langit. ²⁶ (Aw eked niyo pegwedadi se sala te doam, eked hema pegwedadi se kenyo sala te kenyo amay doton te langit.) ²⁷ Te pegdateng dan te Jerusalem, limiko si Jesus te simabahan aw samatang minipanaw sikandin dalem te simabahan, migpedapag te punu, aw menge pengolo te menge Judio. ²⁸ Mig-insa dan ki Jesus, "Eden lay se kamno ketongod te peg-inang nini?" ²⁹ Timaba si Jesus kandan, "Meg-insa a heman sikeyo aw eden se kenak ketongod te peg-inang te seini menge kedonan. ³⁰ Kenan lay lekat se ketongod i Juan te pegpemonyag, te Timanem ba o te otaw? Tabahi a niyo." ³¹ Migpebelaw-belaway dan aw eden se kandan itaba, aw mikagi kidon, "Lekat te Timanem- mikagi sikandin, nenga weda kaw pemenal ki Juan?' ³² Meneng aw mikagi kidon te lekat te otaw, ' meopal kenitadon se menge otaw." (nelemitan dan te menge otaw so nemenal man se menge otaw ki Juan onto telekeliwod te Timanem.) ³³ Nayan timaba dan ki Jesus, "Weda kay ketaga-taga." Aw minikagi si Jesus kandan, "Aw yan kedi eked ko heman ikagihi kenyo aw kenen lekat se kenak ketongod te peg-inang nini."