¹ Sikeyo nga menge taga-Galacia, kulang se kenyo penabut! Nenga egpengintoo kaw te menge otaw nga eglimanday kenyo nga ilengan niy se pena i Moises? Tataw se kanak inikagi kenyo kon eden se kedegdagan te kemetayen i Cristo te krus. ² Di ba nedawat den niyo se Ispirito Santo pineokit te kenyo pegpemenal aw pegtoo te mepiya belita, aw kena tepad te kenyo pegtolo te punu? ³ Benal nton nga kolang se kenyo penabot. Kay te peglekat niyo te kenyo pegtoo ki Crsito migsalig kaw te tabang te Ispirito Santo. Meneng siini mig-aneng-aneng kaw nga meinang kaw lobos pineokit te kenyo keogalingon? Peningkamot. ⁴ Eden wedad ba pulus te kenyo nelemenan? Eked kinang nga wadad olo idekey polos. ⁵ Di ba igbegayan kaw te Timanem te Espirito Santo aw pineokit kandin eg-inang kaw te kepelehan? Aw di ba nga nedawat niyo ini pineokit te kenyo pegpemenal aw pegtoo te mepiya belita, aw kena tepad te kenyo pegtolo te penu? ⁶ Iling te nehitabu ki Abraham, sumala te penu, "Timolo sikandin te Timanem aw tepad te kandin pegtuu ig-imendayan sikandin te Timanem." ⁷ Nyan tataw nga se menge otaw nga nengintoo te Timanem yan se benal nga menge sopo i Abraham. ⁸ Gebii pa nekeikagi se kesulatan, sini mepiya belita igpedayag te Timanem ki Abraham. Minikagi sikandin, "Penelenginan ko se kelahat menge otaw pineokit kamno." ⁹ Nengintoo si Abraham te kagi te Timamen aw nedawat din se penelangin nayan se kelahat nga egpengintoo te Timanem igpenelenginan heman iling ki Abraham. ¹⁰ Meneng se menge otaw nga eg-iman te kandan pegtolo se penu tinunglo den te Timanem ka matod te kasolatan tinunglo se kena egtolo te kelahat nga egpetolo te penu. ¹¹ Tataw nga wedad onto otaw nga pakamatarongan te Timanem tepad te kandin pegtolo te penu. Kay nekeikagi se kesulatan, "Se otaw nga gipakamatarong te Timanem tepad te kandin pegtolo megkinabuhi te wedad temanan." ¹² Te penu wedad labet te pegtolo kay nekeikagi se kesolatan, "Se otaw meketig-apo te kinabuhi kon metoman din kelahat nga inikagi te penu." ¹³ Tinol'lonan kidon te Timanem tepad kay eked tadon ketoman se kelahat nga inikagi te penu. Meneng nekeikagi se kesolatan, "Tinol'lanon te Timanem si bisan sine nga bitinen te kayu." ¹⁴ Sini ini se ininang te Timanem, amon pineokit ki Cristo Jesus, se penelangin nga kandin igbegey ki Abraham mebegay din heman te menge kena Judio, amon nga pineokit te kenitadon pegtoo medawat tadon se Ispirito Santo nga igpakang din. ¹⁵ Menge kedowa, begayan ko sikeyo te sebad ke panig-ingnan. Eked keinang nga iselebay o dugangan se kesolatan nga igpermahan den. ¹⁶ Iling heman te menge pakang te Timanem ki Abraham. Migsaad se Timanem kandin aw te kandin sopo. Weda sikandin ikagi nga doen pakang sikandin te menge sopo i Abraham nga se buut ipelabet medita menge otaw, kona kena se inikagi din, "Aw te kamno sopo. Se kandin igtumong sebad olo ke otaw,' Aw sini wedad lain kon kena si Cristo. ¹⁷ Se kanak boot ipelabet sini ini: Doen igpakang te Timanem ki Abraham. Aw sida nga pakang ig-inang te wedad pa se penu. Tepad kay menge 430 pa ke omay se minokit ona pa begayi te Timanem se penu. Nayan sida igpakang te Timanem eked keinang nga gobalen o weda dan te bili se penu. ¹⁸ Kay kon keilangan pa peden nga metoman ona se penu ona din ibegay se kandin pakang wedad den polos se kandin pakang ki Abraham. Meneng se benal migpakang den se Timanem ki Abraham te wedad pa se penu.