¹ Nayan tanda so sikiyo neantay kaw doma i Cristo, tinguhaa niyo se menge kedonan nge doton te langit, se tepad doton penoo si Cristo te tuo te Timanem. ² Itepad niyo se kenyo menge aneng-aneng te menge kedonan nge langitnon kena te menge kedonan nge keneyonan. ³ So nematay den sikiyo kidoen te kenyo dalan nge pedowan aw se kenyo kaling nge pedowan inales den kidoen te Timanem doma si Cristo. ⁴ Si Cristo yan se kenyo pedowan, aw te pegdateng te aldaw nge ipadayag sikandin ipadayag heman sikiyo doma kandin nge doen gahom aw dengeg. ⁵ Nayan kalibati den niyo se kenyo lawasnong menge tinguha ika sikiyo pagpakiglawas gawaas te menge megtiayon den meg-inang te bisan eden nge malaw-ang ika sikiyo eg-iling te medaet menge inang te kenyo lawa aw meg-aneng-aneng tanda nini. Ika heman sikiuo paghinakog so se pagkahakog iling heman te pegsima te menge timanem. ⁶ Tanda nini menge te menge otaw ipelumun dan te timanem so weda dan tolo kandin. ⁷ Se benal yan heman ini se kenyo inang kedengan te kidoen neantay pa sikiyo minikagi se kenyo lawa nge menge tinguha. ⁸ Meneng seini keilangan tenanan den niyo seini kelahat, se kapungot se keopal se pegdumot se peg-inang-inang aw sepegkagi te menge malaw-ay nge kinagihan. ⁹ Ika sikiyo egkebolalaw te metag-sebad tanda se gihukas den tadon se kenitadon dalan aw medaet nge pegkeotawan. ¹⁰ Aw seini negsoot den kidon te kaling nge pegkeotawon, aw seini pedaleh nge egkaling kenunay te timanem nge meg-inang nini, amon meilin kidon kandin aw amon metegahan onto tadon sikandin. ¹¹ Te kagi nini wedad kalainan Judio man aw kena Judio, tinoli man aw kena tinoli, mengaluog aw pengkey pa se labing ubos kandan, menge ulipon aw kena ulipon, so si Cristo yan se kelahat aw dini sikandin kenitadon kelahat. ¹² Sikiyo menge pinemili te Timanem, gihigugma din sikiyo aw eglahi olo se kandin pegkeotawon. Nayan keilangan nge megpeidoway, megtinabengay, magmapainubsanon, magmalulut aw magpailubon. ¹³ Magpasenyahay sikiyo te metag sebad-sebad aw magpinasayloay amon sikiyo doen keopal te metag- sebad, so sikiyo igpasaylo den man te Timanem. ¹⁴ Aw melangkaw te kelahat maghinigugmaay sikiyo so se gugma yan se mebugkos nini kelahat amon neinang mepiya aw hingpit se kenyo pedowan. ¹⁵ Paharia te kenyo pedowan se kelinaw nge inbegay i Cristo so do nini tenawal sikiyo te Timanem isip menge membro te sebad olo ka lawa aw megpesiontong heman sikiyo kanunay kandin. ¹⁶ Paden nge isawol onto niyo se kenyo aneng-aneng se menge tolada iu Cristo, pegpetoleng sikiyo aw megpeaneng-anengey te metag-sebad kenyo minikagi te netagahan nge lekat te Timanem. Pegkanta sikiyo te menge Salmu aw doma pa nge menge kanta tanda te pegduyun te timanem te kinasingkasing nge egpesiontong kandin. ¹⁷ Aw pengkey eden se kenyo inangen aw ikagi, inange te pemeokit nge maebigan i Ginoong Jesus aw pegpesiontongan sikiyo te Timanem nge amay pineokit kandin. ¹⁸ Sikiyo menge magpasakop sikiyo te kenyo bana, so yan ini se angay niyo enangen isip menge Kristohanon. ¹⁹ Sikiyo menge meama, higugmaa niyo se kenyo esawa aw ika niyo kandan egpealag. ²⁰ Aw sikiyo menge mengisu, tului niyo kanuna se kenyo menge ubanen, so yan ini se ebeg te Timanem. ²¹ Menge ubanen, ika niyo pelabi se keopal te kenyo mengisu so pengkey kwani metalon se kandan tinguha nge meg-inang aw mepiya. ²² Sikiyo menge ulipon, tomani niyo gayed se kenyo menge agalon dini te keneyonan. Eked olo aw timengteng dan kenyo amon dayegun dan sikiyu, kon kena te kinasingkasing tinulo niyo sikandan tanda te kenyo pegsagman te Timanem. ²³ Pengkey eden sekeyo inangen, inangi niyo te kinasingkasing kagi ne sikiyo nagaalagad te Timanem aw kena otaw. ²⁴ Netegahan heman niyo nge doen panulondon nge ibegay se Timanem kenyo isip kenyo balos, so si Cristo nge kenitadon Timanem yan se kenyo gialagaran. ²⁵ Se neg-inang aw medaet ipelumun gayed te kandin neinang medaet, pengkey sine pa sikandin tanda so wedad pedigselan se Timanem.