¹ Ibeg ko metegahan niyo se onto se kenak peghago tepad kenyo aw te menge tege-Layudisiya, kagi heman te doma weda pa kita kenak. ² Ininang ko ini amon meleba ka aw sikandan heman. Tinoledaan ko dan te doen pegkedekelay te pedowan, aw impedateng ko se mekesabot kaw onto aw metegahan se ineles aneng-aneng te Timanem tepad ki Kristo. ³ Si Kristo yan se linekatan te kelahat ketaga-tagaaw pegsabot. ⁴ Inindan ko ini kenyo amon eked kaw keakal te kandan kebolalaw menge ikagi. ⁵ So pengkey wedad a kidoen doma keno, gayed ko sikeyo eg-aneng-anengen, aw neleba a onto tanda te mepiya se kenyo pegdoma-doma aw melobos onto se kenyo pegpemenal ki Kristo. ⁶ Tanda te kinilala den niyo si Kristo Jesus kagi Timanem, deleg kaw kidoen kandin. ⁷ Panggamot kaw kandin aw tilles. Pagmalig-on kaw kidon te pegpemenal intolada kenyo, aw egpesiontong kaw heman gayed te Timanem. ⁸ Pig-aha te menge otaw ebeg mengibing kenyo te kandan grupo te pinilosopo peokit aw egpengakal menge eg-ikagihen. Seini menge eg-ikagihen kena lekat ki Kristo aw kena eg-ilingen dan olo se menge kemonaan aw te menge kelibotanon olo peokit. ⁹ Se benal, si Kristo neinang otaw, meneng pengkey pa nini, kidoen gihapon kandin se kandin pegke-Timanem. ¹⁰ Se kaling pedowan kidoen kenyo tandan te sikeyo kidoen ki Kristo yan se egbaya-baya te kelahat Espirito nagahari aw doen tolos. ¹¹ Tanda te sikeyo kidoen ki Kristo, netoli kaw den, meneng kena iling te pegtoli te menge Judiyu doen ebaten dan te lawa te otaw, aw kena se inabat i Kristo yan se medaet menge aneng-aneng te kenyo lawa egpekesala. ¹² So se pegbonyag kenyo iling te inlebeng kaw doma i Kristo aw tanda te kidoeen kaw ki Kristo, inantay kaw heman doma kandin, so egsalig kaw te tolos te Timanem neg-antay kenyo. ¹³ Kedengan, sikeyo menge kena Judiyo nematay etobangan te Timanem tanda te kenyo pedowan egpekesala, meneng seini egbegayan kaw te pedowan te Timanem doma ki Kristo. Pigwedad din se kenitadon kelahat menge sala. ¹⁴ Doen tulubagon tedon peen te Timanem tanda te weda tedon ketoman se kandin menge sugu. Meneng pineokit te peglansang i Kristo te krus pigwedad te Timanem se listahan te kenitadon menge sala, aw seini eked kidoen den pelumuni. ¹⁵ Doton heman to Krusinpildi te Timanem se menge Espirito nagahari aw doen tolos, aw impekita din te kebehat te nabihag din den sikandan. ¹⁶ Nayan ika pasagdi toledaan kaw te pengkey sine aw eden se mepaka niyo kanen o inemen, o eden se mepakay niyo inangen te menge pista te pegsenang te bolan o te aldaw epeg etod. ¹⁷ Seini menge tulumanon along olo te menge impedateng kedengan yan si Kristo. ¹⁸ Doen menge otaw heman egpekelangkaw egkita dan ekon te menge panan-awon aw ibeg den legesen se doma megpedana aw domeyen te menge anghil. Eg-aha kaw pagpadaog te menge otaw siyan. Wedad kapuslanan se kandan pegpekelangkaw, se otaw olo iyan menge aneng-aneng, ¹⁹ Eked dan keibeg pegpesakop ki Kristo kenitadon olo yan se egpemegay kenitadon kandin lawa te menge keilangan pineokit te nagkadugtong menge bahin, aw pineokit ninitimilles kidon pineokit te ibeg te Timanem. ²⁰ Mematay kaw den dom ki Kristo aw nekelowa den lekat te menge wedad kapuslanan peokit te keneyonan seini. Nayan nenga neg-ugpa kaw paunawa te menge otaw dini te keneyonan? Nega egtolo kaw pa te menge tulumanem iling te: ²¹ Ika egkeme nini, "Ikaw egkaen niyan," o "Ika eg-ilam niyan?" ²² Seini menge tulumanom intolada te mege otaw ininang dan olo aw tepat olo te menge sawol-sawol metalon kepenga kani. ²³ Aw aneng-anengen tedon, iling benal se kandan menge intolada tepad te pegsimba uyon te kandan peokit, te pegpekebaba aw te pegdagmal te kandan lawa. Meneng se benal, seini kelahat eked onto peketabang te pegpogong te kenitadon lawasnon keibeg.