¹ Sikiyo menge agalon mendayi niyo pegpengibing se kenyo menge ulipon aneng-anengi niyo nge doen agalon heman sikiyo te langit. ² Pegtawal-tawal sikiyo gayed nge doen megpesiontong, aw gayed negtawal-tawal sikiyo bantayi niyo se kenyo peg-aneng-aneng. ³ Pegtawal-tawal heman niyo sikani nge begayan kay te Timanem aw kahigayonan nge mekakagi te kebenalan tanda ki Cristo nge ineles kedengan, yan ini se hinungdan nge neprisu a so inikagi ko se kebenalan kandin. ⁴ Aw itawal-tawal heman nge metolada ko se mepiya Balita inikagi te angen ko inangen. ⁵ Pagmatngon sikiyo te kenyo menge paggawi taliwala te menge kena egpemenal aw pahimusli niyo se kelahat aldaw nge sikiyo mekeikagi tanda te kenyo pegpemenal. ⁶ Aw mikagi sikiyo kandan gamiti niyo se menge makadani nge menge inikagi amon menelan dan kenyo aw angay nge metaga-taga sikiyo so menunen pegtaba te insa i pengkey sine. ⁷ Bahin te kenak pegkesewol dine, se kenitadon pinalanggang nge si Tikiku yan se meg-indan kenyo. Sikandin egkeseligan nge katabang aw doma diya te peg-alagad te Timanem. ⁸ Igpeibing ko sikandin kidoen aman indan den kenyo se kenami pegkeogpa dini amon eked sikiyo kehinawa kenami. ⁹ Ke doma heman day se kenitadon pinalanggang kedowa nge si Onisimo, egkeseligan heman sikandin, aw kenyo gayed katagilungsod. Sikandan se meg-indan kenyo te kelahat nge neinang kenami. ¹⁰ Se kenak kedomaan dini te prisohan nge si Aristakus nengumusta kenyo. Nangumusta heman kenyo si Marcos nge ig-agaw ni Barnabas igkegehan den sikiyo tapay aw eden se kenyo inangen aw domateng si Marcps. Nayan kinawae niyo sikandin pegdateng din. ¹¹ Si Jesus nge tinawol heman aw Hustus nangumusta heman kenyo, seini sikandan telo yan den olo se menge Judio nge doma ko dini nge nangalagad olo para te gingharian te Timanem. Nakadasig sikandan kenaken. ¹² Neg-aneng-aneng heman se kenyo katagilungsud nge so Epatras. Sebad heman sikandin te menge sakop ni Cristo Jesus. Gayed sikandin egtawal-tawal aw hugot onto kenyo nge megpabilin sikiyo lig-on lobos, aw kumbinsido te kelahat nge kabubut-on te Timanem. ¹³ Siaken mismo makapamatood nge si Epafras neg-alagad gayed onto te kenyo kepiyaan aw te kepiyaan te kenitadon menge kedowa te Laodicea aw te Hierapolis. ¹⁴ Si Demas aw se kenitadon pinalanggang Doctor nge si Lucas neg-aneng-aneng heman kenyo. ¹⁵ Ipedateng heman niyo se kenami peg-aneng-aneng doton te kenitadon menga kedowa te Laodicea, aw ki Nimfas, aw te menge nemenal nge megtipon te kandin balay. ¹⁶ Aw mepenga den niyo aw besahi seini solat, pegbasahi heman niyo ini te menge nemenal te Laudicea. Aw besahen hemman niyo se kenak solat nge inpeibing para te Laudicea. ¹⁷ Kegihi niyo Arkipus nge pengehen den se tarbahu nge insugu kandin te Timanem. ¹⁸ Kenak mismo si Pablo se simolat nini nge peg-aneng-aneng. Kumusta te kenyo kelahat aw palihog aneng-anengi heman niyo siaken dini te prisohan nge kenyo menge pegtawal-tewal. Paden nge tebangan onto sikiyo te Timanem.