¹ Mintras minikage pa si Pedro aw si Juan te mge otaw megpadapag kandan se mge pari se mge saduseo aw se pangulo sa mga bantay te templo. ² Naupal si kandan Asunto key nagtulada seini dowa nge si Jesus neantay aw seini nagpamatood nge se mge nematay antayen. ³ Yan egdakep den si Pedro aw si Juan sukit-sukiton paden den si kandan maneng tungod key kilomkilom na eg-awop den una doton te presohan hangtod se pagkaeselem. ⁴ Maneng besan sini se mge panghitabo kandan madeta se mge dimeneg te kandan pagtodlo se timoo. Se mge maama ulo timoo demateng mge lima kalibo. ⁵ Pagkaeselem nagsabed te Jerusalem se kadekalen te mge pari mge magtutulada te kasugoan aw se mge duma nge Pangulo te meg Judio. ⁶ Doten heman si Anas nge yanse pangulo pari si Caifas si Juan Alexander aw se mge duma din pa kadumaan te pamilya e Anas. ⁷ Egibing doten kandan si Pedro aw si Juan aw eg-ensa te Aden gahom aw sena ngadan se kenyo ginamit te pagguli te me otaw bakol. ⁸ Si Pedro nge gegamhan te Espiritu Santo timubag kanyo nge mge pangulo aw mge tigdumala te mge Judio. ⁹ Kon eg-imbestigar niyo se kami asunto te pagguli te mge otaw'ng bakol. ¹⁰ Angey kaw makatagataga aw se kalahat taga Israel nge egguli te otaw nge nagatindeg dini siine pineokit te ngadanl e Jesus-Cristo nge taga Nazaret si kandin yan se eglansang te Krus aw egmatayan maneng neantay si kandin te timanem. ¹¹ Si Jesus yan se pasabot nge egbato te kasulatan nge minikage ang bato nge egsalikway niyo nge mge panday yan se nag-inang te pundasyon nge bato. ¹² Wodad den lain pa se tibook kalibotan nge makaluwas kanitadon kon kena si Jesus ulo. ¹³ Natingkamed dan ki Pedro aw ki Juan asunto olo kay udad jud kalamet te pag-ekage kay nakatagataga dan nge sen duwa ka ultimo ulo nga otaw aw wodad malangkaw nge natagahan. Eyan kinilala dan nge sikandan te mge duma e Jesus sedakey. ¹⁴ Ebeg paden dan nge mikage batok se milagro nge eginang dan e Pedro meneng tungod kay ang otaw nge eguli nakatendeg te kilid e Pedro aw e Juan natengen dan lang sikandan. ¹⁵ Siyan egpaluwa dan una si Pedro aw si Juan lekat te kandan pagtegum aw pagsabot dan. ¹⁶ Minikagi dan eden man se inangen tadon te mge otaw seini? Mikaylap den te entero Jerusalem se eginang den milagro aw aked ki paka ikagi nge atik ini. ¹⁷ Aron aked den kaylap se kandan pagpanulada te mge otaw kagehan ta se kandan nge aked den pagtulada tungod ki Jesus. ¹⁸ Aw egpatawel dan si Pedro aw si Juan aw egkagihan nge aked dan den ikagi aw pagtulada mahitungod ki Jesus. ¹⁹ Meneng timaloa si Pedro aw si Juan kandan aneng-anenge unto niyo kon kenan nini se tarong nge panangteng te timanem aw pagtuman kanyo te timanem. ²⁰ Aked ka poydi nge aked kay ikagi mahitungod te kenami dineneg. ²¹ Meneng megpasidaan dan gihapon nge aked dan jud ikagi aw pagkapange buluyan dan. Pengkey ebeg dan pa paden paelegen dan aked dan ini enangi tungod kay nalamitan dan te mge otaw kay sen mge otaw negduyun te timanem tungod te melagro nge eginang. ²² Key sen otaw eguli pineokit te melagro negedad aw sobra 40 ka umay. ²³ Te pagbuloy ki Pedro aw ki Juan limiko dan doten te mge duma, aw minikage dan kandan aw aden se igkage te kadakelan te mga pari, aw te mge pangulo te mge Judio. ²⁴ Te pagdeneg dan nini te mge magtutoo neg-ampo dan timanem nge gamhanan te kelahat, kamnu se nag-inang te langit aw tana aw dagat aw te kelahat mge butang nge doen dini. ²⁵ Pineokit te Espirito Santo igpaikage so e mge kalokasen nge is David nge kamnu Alaged. Minikage dan: Nengeley dakel unto se kaupal te mge kena Judio, aw nange se mge Judio nagplano to odad hinungdan. ²⁶ Se mge hari te kalebutan aw se mge Pangulo nagsabed aw nagandam aron te pagpatimbakey batok te timanem aw ki Cristo. ²⁷ Nadayon den seini se mge igkage ne dakey muna panahon asunto kay dini jud te Jerusalem se mge Judio aw mge kena Judio apil si Herodes nge hari aw si Pilato nge Gobernador nagkauyon nge batoken se mge sugoanen nge si Jesus nge kandan igpili nge enangen hari. ²⁸ Te kandan eg-inang natumen dan se mge plano dakey muna panahon aw seini si nahetabo sume te mge gahom aw kabobot-on. ²⁹ Aw seini, timanem eghulga key dan, tebangi key nge mge sugoanen nge maenang mabulot te pagwali te mge pulong. ³⁰ Pakitae se mge gahum kaebeg nge pineokit te ngadan e Jesus nge balaan nge sugoanen, mabulungen day se mge enaleg aw makaenang key te mge melagro aw mge katengelahan botang. ³¹ Penge dan neg-ampo nakayong se balay nge kandan egsabaden. Eggahuman den kelehat te Espirito Santo aw mabulot nge neg wali te kage te timanem. ³² Se kelehat timoo nagsebad se aneng-aneng aw se pedowan. Se kada sebad kandan woda angkon nge sen mge empen kandan ulo, kon kena para te kelehat. ³³ Pedayun te pag-enang se mge apostoles te mge katengalahan empen te pegpamatood nge timanem Jesus neantay aw dakel jud se tabang te timanem te kelehat mge timubo. ³⁴ Wedad sebad kandan nge nekulangan te kandan eg kenahanglan asunto key mge magtotoo nge negbaligya te kandan tanan aw mge balay. ³⁵ Aw egbegey dan se halin te mge apostoles aw egtengetenge te mge apostoles te mateg sebad suma te kandin egkenahanglan. ³⁶ Yen heman ini se eg-inang e Jose nge taga-Cyprus. Judio kandin nge leket e levi, tenawal dan te mge apostoles aw Barnabas nge boot epasabot megdadayeg. ³⁷ Egbaligya e Jose se kandin tana aw egbegey din se halin te mge Apostoles.