¹ Doen teleesawa nemeligya toda te kandan tana. Se ngadan te bana si Ananias aw se kandin esawa si Sapira. ² Meneng te weda pa keibing ni Ananias se halin te tana doton te menge Apostoles, ineles din se doma halin alang te kandan keotawen. Neibeg heman sa kandin esawa. Pegbegay din te menge apostoles, minikagi sikndin yan olo idekey se kelahat halin te kandin tana. ³ Aw neg-insa si Pedrok "Ananias, menga negpebayabaya ka ki Satanas? Nenelalaw ka te Espirito Santo tanda te doma kowarta halin te kamno tana ineles no! ⁴ Di ba te weda no pa kebeligya se kamno tana sikona se teg-apo niyan? Aw te nebeligya noden iyan di ba kidoen heman kamno se pagbuot aw menohen nikaw se kwarta? Menga neg-aneng-aneng ka pa onto te peg-inang kani? Kena olo otaw se kamno pigkebolehawan aw kena labi pa onto se Timanem." ⁵ - ⁶ Te pegkedineg nini i Ananias, netongan sikandin aw nematay. Nayan migpedapag se menge telaki kandin aw ginkes dan se kandin nematay lawa. Pegkepenga inibing dan ini te lowa aw inlebeng. Aw se kelahat dimineg te nehitabo nelemitan onto. ⁷ Peg-okit te menge telo oras, minawop se esawa i Ananias. Weda sikandin peketagataga aw eden se nehitabo te kandin bana. ⁸ Pig-insa din si Pedro, "Ikagihi a te benal, seini lay olo onto seini kelahat se kentidad kenyo nedawat te kenyo imbeligya tana?" Timaba si Sapira, "Ee yan olo iyan se kenami nedawat." ⁹ Nayan minikagi si Pedro kandin, "Nenga negkeonawa kaw teleasawa solayan se Espirto te Timanem? Tengteng siyan den te lebangan se mge telaki neglebeng te kamno esawa, aw sikona keman seini kelelangen aw ilebeng." ¹⁰ Pegketa netongan si Sapira te etobangan i Pedro aw nematay. Peg-awop te menge telaki kinita dan nematay den si Sapira. Nayam kinelalang dan sikandin pesalo te lowa aw inlebeng tepad te kandin esawa." ¹¹ Tanda nidekey menge nehitabo, nelemitan gayed onto se kelahat menge egpemenal aw se kelahat menge dimineg nini. ¹² Medita kepelahan aw kahibulongang butang se ininang te menge apostoles diya te menge otaw. Egketipon gayed se kelahat egpemenal doton te balkon i Solomon. ¹³ Pengkey aw gitahod sikandan te menge otaw, se doma weda akop te pegtaking kandan. ¹⁴ Meneng nigkedita pa onto se menge nemenal te Timanem, menge meama aw menge baye. ¹⁵ Tanda te menge kepelaha ininang te menge sogounun, inibing te menge otaw sikandan menge mesakiten te kili te menge dalan aw insawol dan se menge ibatanan, amon aw mokit si Pedro meokitan sikandan pengkey den olo te kandin along. ¹⁶ Kena olo siyan, awkena medita neman menge otaw te pelibot menge baryo se dimateng te Jerusalem nengibing te menge doen mesakit aw menge otaw doen menge medaet Espirito. Aw negolian se kalahat dan. ¹⁷ Nesina onto se pengolo te pari aw se kandin menge doma ketondog te pondok sadusiyo. ¹⁸ Nayan dinakep dan se menge sogounun aw inawop te prisohan. ¹⁹ Meneng te pegkdedelem, inowang te Anghel te Timanem se lebangan te prisohan aw impelowa din dan. Minikagi se Anghel kandan. ²⁰ "Doton kaw doton te templo aw toledai niyo se menge otaw tepad te kaling dedowan imbegay te Timanem." ²¹ Timolo dan te inikagi te Anghel, nayan peglibtak te aldaw minawop dan te templo aw negtolada to menge otaw. Dalem niyan impetawl te pengolo te pari aw te kandin menge doma se kelahat neketetondog te menge Judio amon megsebad se kelahat korte te menge Judio. Doen sinogo dan neman domoton to prisohan amon ebaten se menge sogounun aw ebingen doton kandan. ²² Meneng pegdateng te menge sinogo doton te prisohan, wedad den doton se menge sogounun. Nayan limiko dan te korte te menge Judo. ²³ Aw minikagi, "Pegdateng day te prisohan kinita day doen menge kendado pa te menge lebangan, aw se menge egtonggo egbantay te menge lebangan. Meneng te peg-awong day to prisohan wedad den kenami kinita otaw te dalem." ²⁴ Te pegdineg nidekey te pengolo te menge egtonggo doton te templo, aw te kedekelan te menge pari, nebeleug dan aw weda dan pekelabet aw ederi se nehitabo te menge sogounun. ²⁵ Weda kenamay doen sebad ke otaw demateng aw minikagi, "Se menge otaw inawop niyo te prisohan doton de sikekey te templo aw negtolada te menge otaw." ²⁶ Nayan dimoton te templo se pengolo te menge egtonggo aw se kandin menge otaw aw dinakep dan toda se menge sogounun, meneng weda dan gamit te keseg tanda te nemelitan dan nga bontogam te menge otaw. ²⁷ Inibing dan se menge sogounun doton te korte te menge Judio. Minikagi se pengolo te pari kandan, ²⁸ Di ba inikagihan day den sikeyo te eked den penolada tepad ki Jesus? Meneng tengtengi se kenyo ininang! mikaylap den se kenyo pagtulon-an te tibuok Jerusalem, aw kenami pa se kenyo pigbintangan nengimatay kandin!" ²⁹ Timaba si Pedro aw se kandin menge doma, "Keilangan toloen day seTimanem, aw kena se menge otaw. ³⁰ Inimetayan niyo si Jesus pineokit te peglansang kandin te Krus. Meneng pig-antay sikandin te Timanem, se Timanem induyun te kenitadon menge kemonaan. ³¹ Gipasidunggan te Timanem si Jesus aw doton den sikandin te kandin kowanan belad tinawal pengolo aw Manluluwas, amon sikitadon menge Judio Mebegayan te kahigayonan te megselsel amon pegwedaden se kenitadon menge sala. ³² Nagapamatuod kay seini kelahat benal onto. Aw se Espirito Santo imbegay te timanem te kelahat kandin nagapamatuod heman seini menge butanga. ³³ Te pegdineg nini te menge ketondog te korte te menge Judio neopal dan onto aw ibeg dan imetayan se menge sogounun. ³⁴ Meneng timindeg se sebad te kandan menge doma si Gamaliel. Seini otaw eni Parisiyo aw egpenolada te punu. Egsagmanen sikandin te kelahat. Simogo sikandin te pelowaen ona se mge sogounun. ³⁵ Nayan pegkelowa den te menge sogounun minikagi si Gamaliel te kandin menge doma," Menge kedomaan ko menge tege Israel, aneng-anengi niyo onto aw eden se kanyo inangen te seini menge otaw eni so pengkey kon mesayop kaw. ³⁶ Kedengan doen otaw se kandin ngadan si Teudas megpehambog iman sikaw sine onto sikandin, aw doen menge epat gatos ke menge otaw timaking kandin. Meneng te kemodihan inimetayan sikandin aw se kandin menge kedomaan negkebilit, aw netahon den sidekey gropo. ³⁷ Pegkepenga nini, te aldaw te pegbilang te menge otaw, si Judas den neman tege Galiliya se migsebad te menge otaw nge timaking kandin. Meneng inimetayan heman sikandin aw migkebilit hema sa kandin menge kedomaan. ³⁸ Nayan se kenak meikagi kenyo seini kebiyai den olo seini menge otaweni, aw ika egsagman kandan. So aw se kandan eginangen aw intolada lekat olo to otaw, metalon olo heman ini. ³⁹ Meneng aw seini lekat te Timanem eked tedon dam kepogongi. Kena olo siyan, basin aw mehitabo pa beling sikito mekeg bulaw te Timanem," Nayan tinolo te korte se menge Judio se tambag ni Gamaliel. ⁴⁰ Impatawal dan toda se menge sogounun aw impebadas. Pegkepenga inikagihan dan sikandan te eked den onto pegtolada pa tepad ki Jesus, aw pigbolayan dan sikandan. ⁴¹ Nesayo doton nge neleba se mengesogounun, tanda te pigbegayan dan te Timanem te pribilihiyo meg-antos alang te ngadan i Jesus. ⁴² Aldaw-aldaw doton dan mig-indan te mepiya balita nga si Jesus yan se Cristo.