¹ Sabed niyan ka aldaw, mge alas tres te maapon, dimoton si Pedro aw si Juan te templo oras dakey te pag-ampo. ² Se lubangan te templo doen otaw mge bakol laket pa te pagkaotaw din daka aldaw abingen si kandin doton to lubangan nge egtawal. matahom aron magpakalimos te mge otaw mawop te templo ³ Te pagkita din ki Pedro aw ki Juan nge menawop te templo namuyo sikandin te limos. ⁴ Egtangtangen sikandin ni Pedro aw ni Juan. Penga minikagi si Pedro kaniya tengteng kaw kanaken. ⁵ Temengteng se otaw kandan nge nagtaged nge limosan sikandin. ⁶ Maneng minikagi si Pedro kandin, wodad jud kenak kwarta. Maneng doen ibegay ko kamno te ngadan ni Jesu-Cristo nga taga Nazaret ipanaw. ⁷ Penga eg-awidan ni Pedro se kawanan belad te otaw aw egpatindeg si kandin kedoen nalig-on se menge banis din aw mge buolbuol. ⁸ Ke doen timendeg si kandin aw megpanawpanaw pagkapange timakeng si kandin te pag-awop te templo padayon si kandin nagpanawpanaw aw egdayen din se timanem. ⁹ Kineta te kalahat nge sikandin nagpanawpanaw aw egdayeg se timanem. ¹⁰ Kenilala dan nge sikandin se otaw nge nanow aw nagpakilimos doten te pultahan te templo nge egtawal maanyag busa nakuyawan jud den unto te penghitabo kandin. ¹¹ Wodad jud megbulag ki Pedro aw ki Juan se siyan otaw. Kimagnen se mga otaw doten kandan doten te egaatapen nge dalan nge egtawel balkon e Solomon tungod te katingala. ¹² Te pagkita e Pedro te mge otaw minikage sikandan nge kadowa ko nge kaliwat e Israel ngaley nakuyawan den nini ngaley egtangtangen kay neyo. Nag-aneng-aneng kaw ba nge napaepanaw day se otaw seini tungod te kanami gahom aw pagkadiosnon. ¹³ Se temanem ag simba te kanitadon mge kalukesen nge si Abraham si Isaac aw Jacob se nag-inang niini aron te pagpasedangeg te kandin sugoanen nge si Jesus. Seini si Jesus nge kanyo. Gitugyan te mge otaw anaa se panggamhanan aw egalikway atubangan ni Pilato bisan nadesisyonan danden nge baluyan si kandin. ¹⁴ Balaan aw tarong si kandin maneng egsalikway niyo sikandin aw naghangyo hinoon si kandin ki Pilato nge buluyan se sabed ka mamumuno kambyo kandin. ¹⁵ Egmatayan neyo se namagey te padowan maneng eg-antay sikandin te timanem aw kanami saksi te pagkaantay din. ¹⁶ Se pagtoo ki Jesus nge nagbagey te keseg seini otaw nge kanyo. Natagahan aw kinita eni kanyo nge saksi nge naguli si kandin te panghitabo seini asunto te kandin pagtoo ki Jesus. ¹⁷ Mge kadowa nakatagataga ah nge kanyo aw se mge pangulo nag-inang nini ki Jesus tungod kay woda kaw pakatagataga aw sene jud sikandin. ¹⁸ Egpadayag den te timanem doton te muna panahon penaokit te mge propeta. Nge si Cristo kinahanglan jud nge mag-antos aw te kanyo eninang seini, natuman se egkagi te timanem. ¹⁹ Yen seine ikinahanglan maghinulsol ki aw dumolod ki te timanem aron pasayloon din sa mge sala. ²⁰ Aw demateng kanyo se kaling mge keseg nge laket te timanem aw pagkapanga epaibing din ki Jesus nge yan si Cristo nge kandin daan egpili para kanitadon. ²¹ Maneng kinahanglan nge doton una si Jesus te langit hangtod nge domateng se panahon nge tudaen te timanem se kalahat mge empan yan heman se egkagi te timanem doton te muna nge panahon peniokit te kandin mge propeta. ²² Eling te egkagi e Moises se timanem nge kayo Dios kanyo Dios magbagey kanyo aw propeta nge eling kanaken lekat te kanyo kaliwat kinahanglan tumanem niyo se kalahat din igkage kanyo. ²³ Se Aked tuman nini nge propeta lainen laket te meg otaw te timanemaw pagalaglagen. ²⁴ Eling neman kanyan se egkagi te kalahat propeta lekat pa ki Samuel, kalahat den nagtagna kon oden se mge panghitabo seini tempo. ²⁵ Se mge egsaad te timanem pineokit te kandin propeta para jud kanitadon mge Judio kay apil kedon te kasabotan nga eg-inang te timanem te kanetadon mge kalokasen tungod kay minikagi dan ki Abraham. Panalangin ko se kalahat mge otaw te kalibotan pineokit te mge kaliwat. ²⁶ Nayan igsugo te timanem se kandin pinili nge sogoanen aw egpaebing aw una dini kanitadon mga Judio aron matabangan kidin kanitadon te pagtanan te mge daotan mge inang."