¹ Menge kedowa, ebeg ko ipa aneng aneng kenyo se mepiya indan nga kenak intolada kenyo ini dinewat niyo aw kelekat seini kenyo pinemenalan. ² Pineokit nini mepiya indan meluwas sikiyo, aw huptan niyo mepiya se kenak inindan kenyo, aw eked keinang wedad pulos se kenyo pegpemenal. ³ Intolada ko kenyo se labing mehinungdanon nga menge kedonan nga kenak netegahan nga si Jesu-Cristo nemetay amon melowas kidon te inpelumun tanda te kenitadon menge sala aw seini inkagi sumala te kesolatan. ⁴ Inlebeng sikandin aw neantay te iketelo te aldaw inikagi sumala heman te kesolatan. ⁵ Migpekita sikandin mona ki Pedro aw penga te doma din te 12 ka menge Apostoles. ⁶ Pegkepenga migpekita heman sikandin te kapin laima gatos ka menge sumosunod nga negtipon, aw keditaan kandan buhi pa meneng se doma nematay den. ⁷ Migpekita heman sikandin ki Santiago aw penga te kelahat menge Apostoles. ⁸ Te kataposan negpekita heman sikandin kenaken aw iling a te sebad ka mingesu, nga neotaw te kena teman nge aldaw. ⁹ Siaken se onto medana te menge sogounun aw kena gani a pemenal nge tewalen nge sogounun tanda so gilutos ko se menge egpemenal te Timanem. ¹⁰ Meneng tanda te grasya te Timanem kenaken. Seini sogounun den kenak aw weda neke ikagi nga wedad pulos se grasya te Timanem kenaken, tanda so se benal, mas labaw se kenak nebatog aw itandi te kenak doman menge sogounun, meneng siyan kena tanda ke kenak pegkeotawon, kena tanda te grasya aw tabang te Timanem. ¹¹ Meneng wedad kelahian aw kenak o sikandan se negtolada, se menge mahinungdanon nge onawa se kenami intolada aw onawa heman se kenyo pinemenelan. ¹² Aw kenami netolada kenyo nga inantay si Cristo, ngaley se doma kenyo minikagi nga wedad pegkenatay te menge nematay. ¹³ Aw benal nga wedad pegkeantay te menge nematay nagkahulogan nge se Cristo weda heman keantay. ¹⁴ Se kon weda keantay si Cristo wedad ontong se kenami pegtolada aw wedad sebad ontong se kenyo pegpemenal. ¹⁵ Kena olo siyan lamowa nga kebolalaw se kenami inikagi kebahin te Timanem. So minikagi man kenami nga entayen din si Cristo. ¹⁶ Meneng aw wedad pegkeantay te menge nematay, weda sikandin keentay. ¹⁷ Aw kon weda keantay si Cristo se kenyo pegpemenal wedad ontong aw wedad kawpa mepesaylo te kenyo menge sala. ¹⁸ Aw magkahulogan heman nga se menge nemenal i Cristo nga nematay den. Weda heman kelowas. ¹⁹ Aw se kenitadon paglaom isip Kristohanon para olo to kenitadon pedowan dini te keneyonan. Kinetadon onto se onto mekeido te kelahat. ²⁰ Meneng se benal neantay si Cristo lekat te nematay aw yan ini se kebenelan nga entayen onto se menge nematay. ²¹ Tanda te sebad ka otaw nge si Adan se kemetayen dimateng te kelahat menge otaw aw tanda heman te sebad ka otaw nge si Cristo se menge nematay neantay. ²² Aw kelahat tadon memetay tanda te kinitadon relasyon ki Adan, tanda heman te kenitadon relasyon ki Cristo kenitadon kelahat meantay. ²³ Doen iya-iya nge aldaw se pegkeantay se mona onto nga neantay yan si Cristo. Pegkepenga pegliko din dini te keneyonan, neantay heman se kandin otaw. ²⁴ Aw netoman dimateng se ipetunung weda den din se kelahat nga peghari pagdumala aw paggahom aw ibegay din se paghari doton te Timanem nga amay. ²⁵ So si Cristo ebeg pa nga meghari taman nga mepildi din se kelahat nagabatok kandin. ²⁶ Se katapusang kebolaw nge tanonen yan se kemeteyen. ²⁷ Se solat minikagi nga si Cristo gipahari te Timanem te kelahat, hinoon weda ini magkahulugan nge apil se Timanem ngayan negbegay aw tanda ki Cristo te peghari te kelahat. ²⁸ Aw kena, aw se kelahat doton den ilalom te gahom i Cristo si Cristo nga bata te Timanem. Negpesakop heman nga yan negbegay kandin tanda te peghari te kelahat amon se Timanem yan se meggahom te kelahat. ²⁹ Doen menge otaw nga nebonyagan para te menge nematay. Eden ontong te kandan ininang aw ugaling se mge nematay eked keantay. ³⁰ Aw eden sekenami meabat te gayed pegsewol te kenami pedowan te kelimahan. ³¹ Aw eden kebenal nga gipasigarbo ko sikiyo te kenitadon pegsebad ki Cristo Jesus nge kenitadon Timanem, yan heman ka benal nge ig-atobang ko keda aldaw se kelimahan te kemetayen. ³² Nelimahan onto a dini te Efeso tanda so se menge otaw nge nagabatok kenaken iling te mebolot nge menge menenanap. Nayan so se menge nematay eked eantaye. Eden se kenak meabot te menge nelimahan nge iling nini. Aw se menge nematay eked eantaye , doen mepiya pa nge ilingen den olo tadon se kinagihan nge minikagi, magpagusto kidon, komaen kidon aw meg-inum so pengkey aw memetay den kidon ke aldaw. ³³ Ika sikiyo egpemenal niyan so siyan nge kinegihan peg-akal olo, meneng toohi niyo se kinagihan nge minikagi mekadaet te mepiya pamatasan se pegpakigdoma te menge otaw nge medaet. ³⁴ Peketolid den sikiyo aw tenani den niyo se peg-inang te sala, inikagi ko ini kenyo amon meyaya sikiyo so sedoma kenyo mali se peg-ila te Timanem. ³⁵ Aw doen mig-insa aw manonen pegkeantay te menge nematay aw eden matang te lawa se kandan meangkon. ³⁶ Seini se kanak tubag siyan otaw nge weda gayed ketagataga: Aw megtanem kidon te sebad beni te tana, siyan nge beni madunot on ayha tumobo. ³⁷ Aw pengkey eden nge beni se kamno ipanggas aw tumobo den gani, lahi den se bawa nini kayte kidoen kamno ini ipaggas. ³⁸ Se bawa nini minikagi man te pegbout te Timanem. Aw se metag matang te beni doen kaugalingon nge bawa aw tomobo. ³⁹ Yan man heman se lawa te kelahat doen pedowan, so se menge lawa kena eg-onawa lahi se lawa te otaw aw lahi heman te menge menanap, lahi se lawa te mge ayam-ayam lahi pa onto se menge ikan. ⁴⁰ Nagkalainlain se inenang te Timanem dini te tana aw doton te langit. Aw se kelahat nge kandin ininang matahom, meneng lahi se kandin katahom te menge kedonan doton te langit lahi te katahom te menge kedonan dini te tana. ⁴¹ Lahi se katahom te aldaw, aw lahi heman se katahom te bulan se menge bitoon deon kaugalingen heman nge katahom aw pengkey pa gani se menge bitoon doen nagkalainlain nge katahom. ⁴² Iling kenyan aw entayen den se mge nematay se kenitadon lawa seini meledak, meneng aw meantay den. Eked den onto ini keledak bisan keno. ⁴³ Se kenitadon lawa seini egkelomay aw kena egpekebegay aw dongog meneng aw entayen din ini meinang melig-on dungganon. ⁴⁴ Se kenitadon lawa seini kelibotan-on meneng aw entayen ini meinang den langit. Tanda kay so doen kelibotan-on nga lawa doen langitnon heman nge lawa. ⁴⁵ So se insolat inikagi se mona nga otaw nga si Adan binegayan aw pedowan. Meneng se sukwahi nga adan nge mao si Cristo binegayan te Espiritu nge namegay aw pedowan. ⁴⁶ Kena se langit nga lawa se mona kon kena se kelibotanon nga lawa aw dayon simonod se langitnon nga lawa. ⁴⁷ Se mona otaw nga si adan kelibotananon, ininang sikandin lekat te tana meneng se ikadowa otaw nga yan si Cristo lekat te langit. ⁴⁸ Se menge lawa nga kelibotanon iling onto te lawa kedengan nga lekat te langit. ⁴⁹ Nayan kagi nga se kenitadon lawa ne iling te lawa i adan nga lekat te tana. Dimateng onto se ladaw nga se kenitadon lawa meiling heman ki Cristo nga lekat te langit. ⁵⁰ Menge kedowa se boot kenak iikagi yan ini seini kenitadon lawa nga kelibotanon eked kehimo nga mekasunod te gingharian te Timanem aw seini lawa nga meledak eked pekesunod te pedowan nga wedad kepengahan. ⁵¹ Penalan sikiyo so kagihan ko sikiyo seini nge ineles. Kena tadon kelehat metay meneng kelahat tadon se kenitadon lawa kelingen te Timanem. ⁵² Seini kalit onto nga meinang, iling kakalit te sebad ka pegpulapula. So se pegkagi te keteposan trumpita se menge nemetay meantay dayon aw begayan te lawa nga eked den kelahat. Aw kenitadon nge buhi pa, kelingen heman se kenitadon menge lawa. ⁵³ Tanda so seini lawa nge meledak aw metay keilangan nga salinan te lawa nga eked den keladak aw eked den kematay. ⁵⁴ Nayan aw seini lawa nga meledak keselilinan den te meledak. Aw seini lawa nge memetay keselilinan den te eked kematay, metoman den se inikagi te insolat megkewedad den te Timanem se kemetayen. ⁵⁵ Dinaeg den se kemeteyun aw weded den gahom. ⁵⁶ Se kemeteyun doen gahom olo kenitadon tanda te sala, aw doen gahom se sala tanda so doen kesogoan. ⁵⁷ Meneng megpesiontong te TImanem tanda so pineokit te kenitadon Ginoong Jesu-Cristo binegayan din kidon aw kedeogan siyan menge kedonan. ⁵⁸ Nayan, menge hinigugma ko nga menge kedowa ki Cristo pegpekalig-on sikiyo aw eked onto keantay te kenyo pegpemenal, pegpekeaseb sikiyo te inangen nga binegay kenyo te Timanem. So nekatagataga sikiyo nga doen ontong onto se kenyo menge peghago alang te Timanem.