¹ Nayan peningkamoti onto niyo nga maghigugma meneng peninguhae heman niyo nga mebigayan sikiyo aw menge kebiyasa nga lekat te Espirito Santo. Labi den onto se peg-indan te inikagi te Timanem. ² Se otaw nga minikagi te pinulongan nga din kelebeti weda kagihi doton te menge otaw kon kena doton te Timanem, tanda so se menge otaw mekelabet kandin. Se Espirito Santo yan se negkagi kandin aw inikagi din se menge kedonan nga weda ketegahi te doma. ³ Meneng se nege-indan te inikagi te Timanem minikagi te menge otaw amon te ketebangan, pegsalig, aw meluba kandan. ⁴ Se otaw nga minikagi te inikagi nga weda din kelebeti ketebangan se kandin pegkeotawon meneng se inindan te kinagi te Timanem ketebangan te menge nemenal. ⁵ Ebeg ko peden nga sikiyo kelahat mekaikagi te kinagihan nga weda niyo kelebeti meneng mas mepiya onto kon mekeikagti sikiyo te kagi te Timanem. Tanda so se otaw nge neg-indan te inikagi te timenm mas mahinungdanon pa kay te otaw nga minikagi te kinagiyen nga weda din kelebeti gawas olo kon mekelabet heman din se kahulogan te kandin inikagi amon mepelig-on se menge nemenal. ⁶ Eden lebo se kenyo meabat menge kedowa ko aw komidoen kidoen kenyo awe mikagi te kinagian nga eked niyo kelebeti? Meneng weda onto keilangani doen iindan ko kenyo nga lekat te Timanem o don itambog ko nge kebenelan, o doen iindan ko nga inikagi te TImanem, i doen itolada kenak. ⁷ Pengkey se menge instrumento nga weda pedowan iling te plawta o gitara. Aw se pegpedaging te menge nota eked ke klasr menonen pegkatagatag te nenelan aw eden se kanta nga linitok. ⁸ Aw pengkey se pegpedaging te trumpeta doton te menge sondalo, aw eked ke klaro se kagi wedad mangandam alang te gira. ⁹ Yan heman ini keyno, menonen mekelabet te nenelan kamo aw mikagi ka te kinegihen nga eked kelebeti? Iling olo nga minikagi ka te kelamag. ¹⁰ Medita se menge kagi dini te keneyonan aw se metag doen kedegdagan. ¹¹ Meneng aw eked ko kelebeti se kagi te sebad otaw aw eked heman ko sikandin kelebeti, wedad meabot te metegsebad. ¹² Nayan tanda so meibeg sikiyo nga mekedawat te menge kebiyasa nga lekat Espirito Santo peningkamoti niyo nga medawat se menge kebiyasa nge meketabang te menge nemenal. ¹³ Nayan se otaw nga mekeikagi te kagi nge wed din kelebeti, keilangan pemoyoen nga begeyan heman sikandin aw kebiyasa nga mekelabet aw eden se kahulogan te kandin inikagi. ¹⁴ So aw megtawaltawal a te kagi nga weda ko kelebeti, pengkey benal aw negtawaltawal se kenaken Espiritu se kenaken aneng-aneng eked kelebeti ini. ¹⁵ Nayan eden se angay ko inangen? Megtawaltawal aw megkanta a te kenaken Espirito pengkey kena ko ini egkelebetan. Meneng megtawaltawal aw megkanta heman sekenaken nga kelebetan te kenak aneng-aneng. ¹⁶ Aw megpesiontong ka te Timanem te kamno Espirito olo aw kena eked ini kelebeti. Menonen pegkagi te doma. Amen. Aw weda man gani dan pekelebet aw eden se kamno inikagi. ¹⁷ Pengkey mepiya se kamno pegpesiontong te Timanem meneng aw se doma eked pekelabet eked ka peketabang kandan. ¹⁸ Negpesiontong a te Timanem nga mekeikagi a te menge kagi nge weda kelebeti labi den kenyo. ¹⁹ Meneng se menge penegtipon te menge nemenal onto mepiya pa nga mikagi a aw lima olo kekagi nga kelebetan amon ketoledaan do dan, kay te mikagi a te melalan ka menge kagi te kinagihan nga eked kelebati. ²⁰ Menge kedowa, aw mahitungod seini menge kedonan kena ko ibeg nga iling sikiyo se mengisu aw meg aneng aneng pagpakasama sikiyo kainosente te mengisu aw medaet yan hisgotan meneng aw te pegamit te kenyo aneng aneng pagpakahingkod sikiyo. ²¹ Nasolat te kesogoan nga se Timanem minikagi. Mikage a seini menge otaw pineokit te negkalainlain nga menge kagi aw pineokit te menge tega lain dapit meneng eked onto dan penelan kenaken. ²² Nayan se peg-ikagi te kagi nga weda kelebati kena ilhanan olo te menge egpemenal kon kena olo te menge kena egpemenal. Meneng se peg-indan te kagi te Timanem ilhanan olo te menge egpemenal, aw kena olo te menge kena egpemenal. ²³ Nayan aw megtipon sikiyo menge egpemenal aw kelahat sikiyo meke-ikagi te menge kagi nga weda niyo kelebeti, aw doen menge menapil nge kena egpemenal nga weda ketagataga aw eded sekenyo igpeng inang eked kena kaha dan pekeikagi nga migkebook sikiyo. ²⁴ Meneng aw kelahat sikiyo meg indan te kagi te Timanem aw doen mawop nga kena egpemenal nga weda penalan aw ededn se kenyo igpeng inang, megpaila sikandin te kandin pegkeotawon nga sebad ka makasasala aw menenalan sikandin te benal din nge pegkesewol. ²⁵ Madaya se mge sekreto nga kandin ig aneng aneng penga limohod sikandin nga migselsel aw megsima te Timanem, aw minikagi sikandin nga benal onto nga se Timanem kidoen kenyo. ²⁶ Nayan menge kedowa, yan ini selangay niyo inangen aw megtipon sikiyo se doma megkanta se doma negtolada. Aw se doma mig-indan te kagi Timanem. Se doma mikagi, te kagi nga weda din kelebeti aw se doma meg-obad te kahulugan nini inangi niyo ini kelahat olo te pegpalig-on te menge egpemenal. ²⁷ Ae doen mikagi, kagi nga weda din kelebeti, keilangan dowa o telo olo se mikagi. Meneng megdengan aw keilangan doen megpelabet aw eden se kahulogan te kandan inikagi. ²⁸ Meneng aw weda onto pekelabet, keilangan menenelan dan aw ikegiyen den olo se kandan pegkeotawon aw te Timanem. ²⁹ Aw doen kenyo doen bisaya te pegkagi te kagi te TImanem, keibegi niyo nge mikagi se dowa otelo. Aw se doma nenelan aw negtimbangtimbang aw Benal o kena se kandan inikagi. ³⁰ Aw kidoen te menge nemenelan doen igbegay se Timanem aw kagi, keilangan metinep se minikagi amon mekeikage heman sikandin. ³¹ Te iling nini nga pemeokit, kelahat sikiyo tig-indan te kagi te Timanem aw petibastibasay kagi amon te kelahat mekeiling aw meluba. ³² Se tig-indan te kagi te Timanem ipetunung se kandin pegkeotawon. ³³ So se Timanem weda pemegay aw kebelisi kon kena kelinaw aw tanda te menge bayi sonodi niyo se menge egpemenal te kelahat ogpaanen. ³⁴ Nga aw megtipon sikiyo, se menge bayi keilangan egkepenek tanda so weda dan kaibegi te pegkagi? keilangan megpasakop dan te menge meama sumala te inikagi te kesogoan. ³⁵ Aw se bayi doen insa doton den sikandin te kandan balay meg-insa te kandin esawa tanda so meyaya nga se bayi mikagi kidoen te penegtipon te menge egpemenal. ³⁶ Eden neg aneng aneng pa sikiyo nga se mepiya balita negelekat kenyo o sikiyo olo se binegayan nini. ³⁷ Aw doen kenyo neg aneng aneng nga sikandin tega indan te kagi te Timanem o gitoltolan sikandin te Espirito Santo, keilangan ilehen din nga se kenak menge insolat kenyo sogo onto te Timanem. ³⁸ Aw, aw doen eked penelan seini kenak kagi, ika heman egtegad kandin sikandin tagdi. ³⁹ Nayan menge kedowa ko ki Cristo, peninguhaa onto niyo nge meke indan te kagi te Timanem. Aw ika niyo egpugong se pegkagi te menge kagi nge weda kelebeti. ⁴⁰ Meneng inangi niyo se kelahat te tema aw mepiya nga pemeokit.