¹ Tepad te kenyo pegtabang te menge nemenal te Judiya, inangi heman niyo se kenak igpe-inang te menge egpemenal te Galacia. ² Keka linggo, se metag sebad kenyo meggahin aw kantidad lekat te kenyo kita, tigomi niyo ini amon te pegdeteng ko kidoen endami den se kenyo tebang. ³ Aw domateng a kidoen ipeibing ko te Jerusalem se menge otaw nga kenyo pinili nga mengibing te kenyo menge tabang aw se kenak insolat nga mepeila kandan. ⁴ Meneng aw keilanganen onto nga domoton heman a doton te Jerusalem tomaking din olo sikandan kenaken. ⁵ Lumaos a kidoen te Corinto peglekat ko te Marcedonia, tanda so mokit a doton. ⁶ Aw posibli megkenamay a kidoen doma kenyo tepad so kidoen a pa meg-ogpa te lamig amon tabangan a niyo te kenak menge keilanganon te kenal pagbyahe aw kenan man a doton. ⁷ Eked a keibeg nga mapit olo a kidoen. Ebeg ko nga menamay a kidoen te kenyo aw meibeg se Timanem. ⁸ Meneng seini megpetenan ona a dini te Efeso taman te aldaw te Pentekostes. ⁹ Tanda so kedita dini se ibeg menanalan te mepiya tolada, aw nemenal a nga medita se egpemenal dini pengkey toud aw medita se megsagda. ¹⁰ Aw domateng kidoen si Timoteo abi-abiha niyo sikandin amon eked sikandin kelimitan tanda so iling man heman sikandin kenaken nga neg-alaga te Timanem. ¹¹ Segmani niyo sikandin, aw so tomanem den sikandin kidoen tebangi heman niyo sikandin te kandin menge keilanganen te kandin peg-ipanaw amon mekeliko sikandin dini kenaken megtagad a kandin tomaking te doma pa nga menge kedowa ki Cristo. ¹² Tepad te kenitadon kedowa nga si Apolos pinemoyo ko onto sikandin nga domoaw ki doen. Kenyo tomaking te doma menge kodowa ki Cristo, meneng eked pa ekon kuno sikandin peke kidoen seini menge aldaw komidoen sikandin aw doen ketegad. ¹³ Peg-aha sikiyo kenunay aw barogi se kenyo pegpemenal ki Cristo ika niyo egketelaw aw pegmalig-on. ¹⁴ Aw pengkey eden se kenyo inangen, inangi niyo ini nga doen pedowan. ¹⁵ Menge kedowa, netegahan niyo nga se mona menge Kristohanon kidoen te Acaya wedad lain kon kena si Esptefanas aw se kandin pamilya. Igbegay dan se kandan pegkeotawon te peg-alagad te mge egpemenal aw seini nga neghangyo a kenyo. ¹⁶ Nga megpasakop sikiyo kandan aw te kelahat iling kandan nga neghago olo se Timanem. ¹⁷ Neluba onto a te pegdini dan Estefanas, Fortunato, aw Akaicus so pengkey weda sikiyo dini sikandan poli kenyo. ¹⁸ Nekebegay dan kedasig kenaken aw kagi man kenyo se menge otaw nga iling kandan angayan iduyun. ¹⁹ Se menge nemenal dini te probinsya te Asia neg-aneng-aneng kenyo. Si Aquila aw si Priscila aw se menge egpemenal nga negtipon te kandan balay neg-aneng-aneng onto kenyo tanda neg onawa sikiyo nga kidoen te Timanem. ²⁰ Neg-aneng-aneng heman kenyo se kelahat menge nemenal dini pegpaaneng-anengay sikiyo isip kedowa ki Cristo. ²¹ seini, a siak si Pablo se simolat nini nga pegpeaneng-aneng kumusta kenyo kelahat. ²² Pede nga ipelemun te Timanem se pengkey sine nga wedad pedowan kandin Timanem liko kaden. ²³ Paden nga ketabangan sikiyo ni Ginoong Jesus. ²⁴ Ighigugma ko sikiyo kelahat te kenitadon pegsebad ki Cristo Jesus. Amen.