¹ We, onawuuluma eri yowaataana omakahalelo. ² Alopwana owuuluvala ahaana akhalaka oomaalelyaa, ohissima, oohikhala alolo, oolipa mowaaminini, moofentani ni mookhuluvelani. ³ Athiyana owuuluvala, tjitjon'mo ahaana akhalaka womanan'na ohissima, ahikhale owuuluma onhala, woohikhala epottha yonipha, wowiira ayenani assomiheke eri yooreera. ⁴ Wowiira waalipihereke amwaavano assithiyana akhaleke yiitthutjihaka n'muupuwelelonimwayan'mo, yaafenteke assiwan'nhaya ni assanaaya. ⁵ Akhaleke ooloka, ooreeratja, athiyana ooreera watthokoniwaya, nuuwiiwenla awan'nhaya, wowiira nuulumo namuluku nihikhale nootarawyaa. ⁶ Wotjitjon'mo mwaalipihereke amwaavano akhaleke ooloka. ⁷ Wotjitthu tjooteene, anaathoonhihera toko manan'na omiteko tjooreera, mweessomohaka, n'naathoonhera oreera ni ophwanela. ⁸ Akhaleke moolumo ooteka, woohikhala ookwanhula, wiira akhaleke niihaaya ooteene yoole n'mananiha wookelakela woohikhala etthu yootakhala ahimyaka wahi. ⁹ Epttha tjikhaleke mooteene tjiwiiwenlaka apwiiyaaya, yaatjivelihaka mooteene, ni ahikhaleke owaakhulatja. ¹⁰ Ahikhaleke owin'nha, massi nthoonhereke wiira nri ooreera ni owiiwanana, wowiira attittimihiye makhalelo amuluku moopoli. ¹¹ Kontha mahala amuluku, ahowaana woopwaa waatthu ooteene. ¹² Hii ninaasomiha ohiya ohikhalana ekiriri nuutjivelatjiya wontuniyani, nikhalaka womwnan'na ossariya niikiriri owakathi oriihu. ¹³ Nssunkee oreerihiya nuukhuluvela, owa wowaarya wamulukwiihu muulupale ni moopoli kristu. ¹⁴ Yoole iivahenrale mwaneenyaawe wahiivano, wowiira alive ehissapu wiira anitthukulatje wotanpitjihu ni onikhaliha ooreera wayenani, n'vahenra miteko tjooreera. ¹⁵ N'ssomihe tjitthun'nha, waalipihere ni ovaanhihe niikuru tjooteene. Ni hikhale noothanha.