¹ N'mwe, niwiipele Apwiya; niipe noohakalala wamwala wowoopwaawihu. ² Naathoonhere miteko tjomahala; niwiipele etjipo, ³ kontha Apwiya Nluku muulupale, Mwene muulupale waanluku ooteene. ⁴ Nmatataniwaya ohinssera; erekamelo tjomwaako Tjawaya. ⁵ Epahari yawaya, kontha Ayena phunpale, ni matataaya ahunpa etthaya yowun'ma. ⁶ N'mwe, nivuwihe ni nikokhore; nikokhore ohoolo wAapwiya, anunpale. ⁷ Kontha ayena Nlukweehu, ni hiivano naatthwaawe, niipwittipwitthi tjon'matataniwawe. Olelo niiwenle ntjuunawe! ⁸ N'hilipihe mirimatjinhu, phanka oMeriba, wala phanka nihuku naMassa, moothakoni, ⁹ won'wo atthu okhalayi waawananaya tjoorumatjaka ni yaalawihatja ovilelawaka, wanookhalaru wiira yaanoonaka mitekotjaka. ¹⁰ Eyaakha arupayini, kaahorussiya ninikhoton'ne ni kaahiira: Atthwaala mirimatjaya tjihotjikuwa; khantjuwela mittalatjaka. ¹¹ Phimaana, kiholuphela noorussiyawaka wiira ayenatja khan'hala ophiya nipuronaka nopheela omumula.