¹ Yoole nkhala n'nikhukuni wowiirimu naahala omumula wantthuutjini wa oowerya tjooteene, ni ² naahala owiirela Apwiya: "Yena ntthawenlwaaka ninlipiherwaaka, Nlukwaaka nonkhuluvelaaka." ³ Kontha Yena naahala wookumiha mwantothi ni assinttuuttu owiiva. ⁴ Yena naahala wookhavihera noothunkwaawe ni, mapuphaawe, onaahala ophwanha ntthawelelo. Ekhweelyaawe mwinkittho ninkhavihero. ⁵ Khun'hala woova woopiha woohiyu wala mattheere oorihiya othana, ⁶ wala assinttuuttu anphava mwiipiphini wala ekwerere tjinkhumenla othana. ⁷ Hata wanoomorelaaya atthu ekonto ekontotjene, moonuaa weelopwana, khun'hala ophwanhiya. ⁸ Onaahala woona etthuvo tjaatthu omwiipiphini. ⁹ Kontha waahiira: Apwiya ntthawenlwaaka", ni erimu okhalihale nipuronaa nookhala. ¹⁰ Khiivo yootakhala en'hala woophwanha, wala mwanttuutu khan'hala ophiya n'heemanimwaa. ¹¹ Kontha Yena naahala oruma malaikhaawe wiira yookhavihere ni assunkaka mittalatjaa tkooteene. ¹² Anaahala wookhavihera ni matataaya wiira ohimorele wanlukuni. ¹³ Onaahala owiiva akharamu niivili vathi wonhaatjaa; onaahala waanhakelatja akharamu niinuaa. ¹⁴ Kntha nimiivano onkhala ninfento, kinaahala wootaphulatja. Kinaahala wookhavihera kontha yena n'nokhala nimi. ¹⁵ Yena akikhuwela, kinaahala omwaakhula. Kinaahala okhala niyenani n'mahuvihoni; kinaahala on'vaha otthema ni kinaahala onttittimiha. ¹⁶ Kinaahala on'vaha ekumi yintji ni kinaahala onthoonhera woopolawaka.