¹ Apwiya Nhu n'okhala mwinkitthweehu womakhoto ooteene. ² Myaako tjihinaaya wunpiya, wala n'hinaaya wunpa etthaya niituniya, okhala womahuku ooteene, Nhu mwaNluku. ³ N'nan'hokolossera ntthu wantthupini, ni n'namwiira: N'hokolyee nhu assaana atthu. ⁴ Kontha, eyaakha ekonto nihukuninhu nimotja nivirale, ni phanka owehaweha woohiyu. ⁵ Nhu n'nawaakwetja naayenatja an'rorupaathi; owitjissu, ankhala phanka ntaakhuru noophuwela. ⁶ Owitjissu, ninaaphuwela ni ninawuunuwa; othana, ninanhaala ni wuuma. ⁷ Weekhweeli ninkussiya noorussiyawinhu, nookassiriyawinhu ninkhala oohuva. ⁸ Tjoovaratjihu tjiri ohoolowinhu; etanptjihu tjowiipithyaa, munthukoniwinhu. ⁹ Ekumiihu envira mookassiriyaniwinhu; eyaakhatjihu tjinaarwaa wowaakuvyaa phanka etthu yoovava. ¹⁰ Eyaakhatjihu tjinaphiya sapiini, nakhala akumi, tuswiini massi wanookhalaru eyaakhatjihu tjiri moohuvani nootjukulatja. Khweeli, tjinaavira wowaakuvyaatja nihi ninaavava. ¹¹ Tupani ntjuwela orussiyawinhu nookassiriyawinhu, phanka woova orinaaya? ¹² Vano, n'nifunttihe tjookhalela ekumiihu, wowiira nikhleke nootjuwela. ¹³ N'hokolyee Apwiya! Npakha eyaakhani? Moonele othunku arumeyiinhu. ¹⁴ Owitjissu, n'nikhavihere ninfentweenhu wowiira nitthapeke ni nihakalaleke mahukweehu. ¹⁵ N'nihakalalihe mahuku anihuvihaleenhu niiyaakha tjihaawaleehu. ¹⁶ Wiira arumeyiinhu yoone ntekweenhu ni assaaneehu yoone mitekotjinhu tjuulupale. ¹⁷ Mahala Aapwiya, Nlukweehu, akhale nihi ni nteko won'matataniwihu orwee ohoolo; khweeli, ntekweehu orwee ohoolo.