Ekapiitulo 87
1
Epooma yunpalyaaya enkhala omwaako ttakattiifu.
2
Apwiya anfenta mikhora tjooSiao woovirkana aheema ooteene aJaco.
3
Tjitthu tjooreera n'nuulumeliya phiNhu, epooma yaNluku.
4
Ankittharenla kihahimeeryatja Raabe ni Babilonia. Nkaweha, Filistia ni Tiro, vamotja ni Etiopia kinaahala wiira: Phuyariyaawe.
5
OSiao onaahala wiiriya: "Khula ntthu phuyariyaawe; ni naahala wooniya niirimu.
6
"Apwiya anawantikha nliivuruni mwatjowantikhiya elapo: "Ola, phuyariyaawe."
7
Vano, anamwiipa hata anamwiina anawiira: "Ereerelotjaka tjooteene tjiri niNhu."