¹ Mwiiwe, ooh n'hakheli owiisrael, Nhu nri phanka n'hakheli, n'nomweettihera Jose; Nhu n'nookoma watjulu womalaikha, an'nonimwaleela! ² Wa Efraim, Benjmim ni Manasses, n'mwiihe ekurutjinhu, ni n'noopole. ³ Ooh Nluku, n'noopole; ekhoveenhu enimwaleele, ni ninaahala woopwaa. ⁴ Apwiya, Nluku aankhotto, n'nohala orussiya nimavekelo aatthweenhu npakha eyaakhani? ⁵ Nhu n'haaliha nkatthe womeethori ni n;haavaatja meethori mentji wiira awurye. ⁶ N'honikhaliha etthu yoohikhala mwaamaattaman'nueehu, ni awananiihu ahonoromolatja yaayoru. ⁷ Nluku aanakhotto, n'noopole; ekhoveenhu enimwaleele, ni ninaahala woopwaa. ⁸ Mwaahowaana nri wiigiipitu; n'howoomola amalapo ni n'honivaha. ⁹ N'horeeriha elapo, tjirihalyaaya mitithaari ni tjaahotjara nlaponi. ¹⁰ Myaako tjaahokhuneeliya nintthuutjinaya ni miri tjaNluku. ¹¹ Mirin'nho tjaahotaphuwa npakha opahari ni ktithaaritjaya npakha muro Eufrates. ¹² N'kwanhulenlelni eluwani wowiira nvira ooteene arukuleke mihokorokho? ¹³ Enama yontakhwani enaakwanhula, niinama tjontakhwani tjinlya tjen'nho. ¹⁴ N'hokolyee, Nluku aanakhotto; n'mwehe erimu nivathi, ni nrattavenle nryuuyo. ¹⁵ Ola ntithaari moonueenhu nlopwana waalalyaaya, wuunuwihaleenhu. ¹⁶ Ohopahiya ni ohothikiliya; awananiinhu ooteene arimeele, mwaha wootthukelawinhu. ¹⁷ Ntataninhu nikhale ninlopwana ookomale moonueenhu woolopwana, womwaana antthu iilipiheraleenhu. ¹⁸ Vano, khanin'hala wootthawani; nkhale nihi, ni ninaahala ovuwiha ntjinaninhu. ¹⁹ N'noopole, Apwiya, Nluku aanakhotto; ekhoveenhu enimwaleele, ni ninaahala woopwaa.