¹ Nluku hokhala ootjuweliya oJuda; ntjinanawe nuulupale wiisrael. ² Heemaawe nkhala oSalem; oSiao phunkhalaawe. ³ Won'wo, Yena aahopwessakatja mattheere, mwinkittho, ekatana niireerelo tjikhwaawe tjookhottoni. ⁴ Nhu mwamuulupale ni oophwanela woovirikana ni myaako tjoohala. ⁵ Yaale arina mirima tjphwanela yaahiivakatjiya; ayenatja yaahorupatja. Anakhotto ooteene yaari oohinteko. ⁶ Ohoolo wootthukelawinhu, ooh Nluku aJaco, aneettihera ekavalo niikavalo tjaahorupa. ⁷ Phinhu n'nooviya paassi. Tupani npheela okhala nphanttyeenhu mwarussiyavale? ⁸ Wiirimu, n'hopanka wiira malamulweenhu yiiwiye; elapo yaahokhala owoova ni oomalelyaa ⁹ owakathi Nhu, ooh Nluku, waavuwaleenhu wiira mwaalamule ni owoopola ooteene oohuvihiya elapo yavathi. ¹⁰ Weekhweeli, orussiyawinhu naatthu on'hala okhala wiipeliyawinhu, ni, onkoohala noorussiyawinhu, n'naahala waamalihatja. ¹¹ Mwaakhuluveliheke Apwiya, Nlukweenhu, ni n'vareleke nteko. Ooteene ankhala niYena an'mwiihereke tjoovaha, kontha Yena haana ooviyaka. ¹² Yena naakumiha n'nepa waakhulupale; Yena nawooviya nimamwene olapo yovathi!