Ekapiitulo 70
1
Nkoopole, ooh Nluku! Apwiya, n'mwe phiyaaru ni nkikhavihere.
2
Ooteene anpheela okumiha ekumiaaka yoonihatjiye ehaaya; ahokoleele ottuli, akhale oohikhalihiya etthu anpheela okiwanana.
3
Ahokolyee niihaaya yaale aniira: Vaava! Vaava!
4
Ooteene anoorweelani atteeliyeke ni akhaleke oohakalala wanhu; Yaale anfenta woopolawinhu nen'ne nen'ne yiireke: Nluku attottopeliye!
5
Kimassikhini ni akinphwanela; nkaakuvele, ooh Nluku; Nhu mwankhaviherwaaka ni n'nokoopolessa. Apwiya, n'hipitjapitje.