¹ Otthapawihu onaawanriihani oSiao, ooh Nluku; ninaahala woolivelani tjoothanlatjihu. ² Nhu n'niiwa mavekelo, nahala wooweelani atthu ooteene. ³ Tjootakhala tjinaanimorela; ni tjoovaratjihu, Nhu n'naahala olevenla. ⁴ OOtteeliya ntthu nthanlaleenhu wiira akhale wakhiviru niNhu, wiira akhale nmweettaniwinhu. Ninaahala okhala ssaawa npaaniwinhu, enupeenhu ttakattiifu. ⁵ Moossukhuuni, Nhu n'naahala waakhulela tjitthu tjomiriirya, Nluku owoopwaawihu; Nhu nkhuluvelo mwamoomalela elapo mooteene, wayaale ari ottayi, nphantte nkhwaawe wopahari. ⁶ Nhu n'hotthonkomanihatja myaako; Niikuru tjirineenhu. ⁷ Nhu n'nomaaliha ekuru tjonpahari, ekuru tjamawinpi ni onhakula waatthu. ⁸ Yaale ankhala moomaleloni elapo ankhala yiiwaka mitekotjinhu; Nhu n'naawaana ohakalala yoowitjissu npakha wiila. ⁹ Nhu n'naakhavihera elapo nvahaka mihakhu tjintji. Onho waNluku onootjara maatji wotthak tjaatthu, kontha n'hohimyatja. ¹⁰ Nhu n;naanaaniha ventji; n'naatjarihatja maatji; n'nawoolweeha etthaya niipula ni n'naareeriha mihokorokho eriyaryaaya. ¹¹ N'naareerihaka mwaakha nitjoolyatjaya. Etthayeenhu en'noruweriya. ¹² Okame on'morelatja moothakoni, ni tjitthapaka phanka atthu ootteeliya. ¹³ Ematta tjiri tjookhuneeliya enama, ni massepa, niitthaka; tjinaakhuwela niwiipa wootteeliya.