¹ Mwiiwe, ooh Nluku, okhuwelawaka; nssunke ekumyaaka enoopopihatjiya naawananiaaka. ² Nkivithe mwatjitthu tjowiipithyaa tjaatakhali, nkhapureni wayaale anvara tjootakhala. ³ anthonkola malimyaaya phanka ekatana, phanka mattheere, mooluma oonhuunha, ⁴ mapuro owiipithyaa, an'homaka ntthu oohiira etthu; anan'homa wowaakuvyaatja, woohoova etthu. ⁵ Nlipiherane ntthu ninkhwaawe wantakhali. Nkhayi ni nssirini, anssikissana tjoopheela oryaa miryankho, yiiraka: Tupani n'hala onoona? ⁶ Ayenatja anaapankelelatja miruku tjookossa yiiraka: Nihomalihera nteko. Muupuwelelotjaya ni wanrimaniwaya atthu tjoowinssa. ⁷ Massi Nluku naahala waarihelatja nttheere nimotja; wowaakuvyaatja, anaahala orakalihatjiya. ⁸ Ayena anaahala waamorihatja, kontha anawiitjuulumatjera; an'hala woona ooteene, anaahala ottikinha murutjaya. ⁹ Atthu ooteene anaahala woova ni anaahala ottonkatja tjoovara tjaNluku. Atthu ootjuwela anaahala ottonka miteko tjinvarakaaya. ¹⁰ Nassariya naahala otthapa waaPwiya ni naahala ontthawenla; ooreera mirima ooteene anaahala ontthapela.