Ekapiitulo 61
1
Mwiiwe okhuwelawaka, ooh Nluku, mwaakhule mavekelwaaka.
2
Okhuma omaleloni elapo kinawookhuwelani, nrimaaka wakhala oohuva; nkeettihere omwala, woorekama phukivikana.
3
Kontha Nhu mwantthawelwaaka, ookaakihera mwaawanani.
4
Kikhale npaaniwinhu mahuku ooteene, ni nkitthawihere n'nikhukuni womapupheenhu.
5
Kontha Nhu, ooh Nluku, n'hiiwa tjuulumatjalyaaka; n'hokivaha yoohalana wayaale an'hanhuriha ntjinaninhu.
6
N'naahala wintjera mahuku okumi yaamwene; mahukwaawe an'hala okhala phanka omakhoto mentji.
7
Yena naahala okhala womahuku ooteene ohoolo waNluku; ekiriri niikhweeli enkhavihere.
8
Kinaahala wiipa etjipo mwantjinaninhu womahuku ooteene, wiira kivirihe tjowuulumatjaka mahuku ooteene.