¹ Nhu, ahooleli, mun'nuuluma essariya? Mun'naalamula atthu ninfento? ² Mena! Nhu n'nopanka tjootakhala wanrimaniwinhu; nimatateenhu n'nomwaressa tjootakhala nlaponi. ³ Amalapo antankanhyaa okhuma nmirimani mwaanumwanaya; ayenatja anvara yootakhala eyareliyo, yuulumaka tjowootha. ⁴ Enhanhaatjyaaya eri phanka enhanhaatji yonuaa; ayenatja ari phanka evili yoohiiwa, enkhuneela maarwaaya ⁵ wiira ehiiwe ntju naatthu, wavirenle ntthu. ⁶ Meenuaaya anpwessakatjera mwaanomwaya, ooh Nluku; mwaakhe akharamu ooyevatja meenuaaya,m Apwiya. ⁷ Ayenatja yeetteke phanka maatji tjineettaaya; yatthonkomaniha mattheryaaya, akhle oohinteko. ⁸ Yathoteke, phanka mwaana hinoona ntjuwa. ⁹ Essufuriyatjaya tjihinoona oviha tjooyetjaya, Ayena anaahala waakha phanka ephyoo, tjowuuma hata tjikithi. ¹⁰ Nassariya naahala otthapa otthuna waNluku wawavale; naahala orapiha enhaatjaya niiphome yaatakhali, ¹¹ wiira atthwaayo yiire: Wekhweeli, ehaavo etthuvo wanassariya; weekhweeli, haavo Nluku nlamula elapo.