¹ Nkoonele ekiriri, ooh Nluku, nkoonele ekiriri, kontha kin'nootthawenlani npakha mahuvihwaaka wan'malaaya. Mi kinkhala nmapuphaniwinhu, npakha mahuviho wan'malaaya. ² Kinaahala okhuwela waNluku owiirimu, wanluku nkipankela tjitthu tjooteene. ³ Ayena anaahala oveleeliha nkhavihero wiirimu wiira okoopole; Ayena anoorussiya naale ankihuviha. Nluku naahala oveleeliha mahalaawe ninfentwaawe. ⁴ Ekumyaaka enoorukureeriya naakharamu; kiri naale anpheela okiiiva; meenuaaya ari phanka mattheere, ni malimyaaya ari phanka ekatana tjoononiya. ⁵ Nttittimihiye, ooh Nluku, watjulu worimu; waaryawinhu okhale elapo yooteene! ⁶ Ayenatja antthonkomaniha nryankho n'nhaanimwaka, nimi kaari oohuva. Ayenatja ahokithipelatja nlikitti, phimaana, ayenatja ahomorelatja mon'mo! ⁷ Nrimaaka ori woolipa; Nluku, nrimaaka ori woolipa! Kinaahala wiipa, khweeli, kinaahala wiipa etjipo. ⁸ Nrimaaka, onaatthapa; kinaahala otthapa npakha ossa. ⁹ Kinaahala owiipelani, ooh Apwiya, waatthuni; kinaahala owiipelani elapo tjooteene. ¹⁰ Kontha ekiririinhu enaaphiya npaha wiirimu, nootthunawinhu onaaphiya nmahutteni. ¹¹ Nttittimihiye, ooh Nluku, wiirimu; waaryawinhu ottottopeliye elapo yooteene!