¹ Huuluma Nluku oowerya tjooteene, Apwiya, ni ahiihana elapo yooteene, onkhuma ntjuwa npakha onkelaaya. ² Okhuma oSiao, ooreera, Nluku nkhala ninthuko. ³ Nlukweehu naawa ni khankhal oomaala; ohoolowawe naapharela mooro woopaha, ni woorukureeryawaya ehaavo eluuvi yuulupale. ⁴ Wiirimu, Ayena anawiihana ni elapo wowiira yaalamule atthwaaya: ⁵ Mwaathukumanihe amwaaminiaaka, yaale yaataanale mwaha watjoovaha tjookuttho. ⁶ Erimu tjin'himyatja essariyeenhu, kontha Nluku yooyo nphuki. ⁷ Mwiiwe, atthwaaka, kinaahala owiirelani; mikiNluku, Nlukweenhu. ⁸ Akin'hala wootthukelani mwaha watjoovahatjinhu; mikutthotjinhu tjinkhala ohoolowaka. ⁹ Akin'hala okussa hata etthu owanuwinhu, wala miaapu ota wontjitjininhu. ¹⁰ Kontha enama tjooteene tjon'mwiini tjawaka, ni mihuwo tjooteene. ¹¹ Kinaatjuwela enuni tjooteene tjonmwaakoni, niinama tjuulupale tjooteene tjawaka. ¹² Kaari niitala, akoottonkela; konthaelapo yawaka, ni tjooteene tjirivo. ¹³ Vano, kinaahala okhuura enama wala ovurya ephome yonama? ¹⁴ Munvahe Nluku tjoovaha tjomahala, ni nolivaka tjoothanlatjinhu wiirimu. ¹⁵ Nkikhuweleke mahuku omahuviho. Kinaahala wookhavihera ni onaahala okittottopela. ¹⁶ Massi ntthu omwiipiphini Nluku nmwiirela: Essiyani ottonkatjaka ekettelotjaka ni okussaka waataanawaka mwaanomwaa, ¹⁷ we onkhotta tjoohimyatjaka ni onrihela moolumwaaka ota? ¹⁸ Mwamoona vatinhu, n'nankhavihera; n'nokhala nphantte waatthu anraruwa. ¹⁹ Malakweenhu n'novahenra wayootakhala, ni nliminaya ninuuluma tjowootha. ²⁰ N'nawookoma ni n'nomuuluma mwaamun'nenhu; onontanhifu mwaana aanumwanaa. ²¹ Weereenhu npankaka tjitthun'nha, kaari oomaala; vano wuupuwela wiira kintthu phanka we. Kinaahala woottehatteha ni kinaahala woohokolossa, ohoolo womeethwaa, tjooteene tjinvarakaa. ²² Vano wooneleke, we ononliyala Nluku; kihiookwanhulatja ni khaavo n'hala wookhavihera! ²³ Yoole nvaha tjoovaha tjomahala naakivuwiha, ni wayoole neettela nttala womaana, kinaahala onthoonhera woopwaa waNluku.