¹ Nluku ntthawelweehu niikurweehu, nkhavihero wowaakuvyaa owakathi womahuviho. ² Phimaana, khanin'hala woova, hata elapo wanttettemelaaya ni myaako tjin'halaaya orihiya nphakha wanrimani wopahari, ³ hata maatji wan'waaya, ni myaako tjeettaka woorussiyawinhu. ⁴ Ohaavo muro, maatjaaya anaatthapa epooma yaNluku, nipuro ttakattiifu yonupa yowiirimu. ⁵ Nluku riwariyaryaaya; khin'hala okwanhulatjiya. Nluku naahala okhavihera okhuma yoowitjissu. ⁶ atthu anawoova ni ohoolelawaya noomala. Ayena yaahotthapela ntjuunaya ni atthu yaahoova. ⁷ Apwiya aanakhotto ari nihiivano; Nluku aJaco ntthawelweehu. ⁸ Nkawaani ni n'wehe miteko tjaaPwiya, tjiwaanalyaaya nlaponi. ⁹ Ayena anaamaliha ekhotto npakha omalenle elapo; Ayena anapwessakatja nreko ni anaariha nttheere ekhipantte niikhipantte; Ayena anaapahakatja mikukuttha nimooro. ¹⁰ N'maalatje ni ntjuwele wiira kiNluku! Kinaahala ovuwihiya naatthu; kinaahala ovuwihiya nlaponi. ¹¹ Apwiya aanakhotto ari nihiivano,; Nluku aJaco ntthawelweehu.