Ekapiitulo 4
1
Nkirumenle kakhuwela, Nluku ossariyaaka; moohaawaniwaka, Nhu n'naakitaphulatjaka. Nkoonele ekiriri ni nviriyane mavekelwaaka.
2
Nhu atthu, npakha eyaakhani en'haleenhu opittikussa nttittimihwaaka niihaaya? N'nohala ofenta eyaakhani yeele ehinanteko npheelatjaka tjowootha?
3
Ntjuwele wiira Apwiya anawiitjaawaniheraatthu oothunku; Apwiya anaahala wiiwa okhuwelawaka.
4
N'naarussatjiya, massi khan'nokossatja! Mweessenr wanrimaniwinhu mwiirupaka noomaalelyaa.
5
Nvahe tjoovaha tjossariya ni mwaakhuluvele Apwiya.
6
Entji aniira: Tupani nkoonoonihera etthu yooreera? Apwiya anaavussa nthuko owiithowaya wahiivano.
7
N'naakivahaka waarya wanrimaniwaka woovirikana waaryawayatja tjiri phanka etthaka niiviinhu tjophiyaaru.
8
Ninrettele phin'halaaka wiitjaatanla noorupa, kontha nhu paassi, Apwiya, n'naakiwiihera nlipihero ninkhalihero.