Ekapiitulo 3
1
Apwiya anawintjivihaka awananyaaka! Entji ankhala nimiivano.
2
Entji ahinkihissimwa: Nluku khan'hala waakhavihera.
3
Massi nhu, Apwiya mwamwinkitthwaaka, waaryawaka nkikhuneela murwaaka.
4
Kinaakhuwela waaPwiya, ni Yena naakaakhula omwaakowawe ttakattiifu.
5
Kinawiitjaatalela ni kinaarupa; kinaavuwa, kontha Apwiya anaakiliha.
6
Akin'hala owoova atthu an'hala okhala nimiivano miphantte tjooteene.
7
Nvuwe, Apwiya! Nkoopole, Nlukwaaka! Kontha nhu n'naahala waaphwanha awananyaaka; n'naahala wooniha oweryaa awananyaaka.
8
Woopwaa on'mwa waaPwiya. Oreerihawinhu ohale naatthu.