¹ Kontha essiyani atthu okhalaka oohithuna etthu naatthu wuulumaka mahala? ² Mamwene onlaponi yaahovuwatja, nimahooleli yaahothukumana noowuuluma Apwiya ni funtyaawe iiraka: ³ Nttwee nikhume anhunhweele onihooleela. ⁴ Yoole nookoma wiirimuwawe. Apwiya khanaapheela. ⁵ Vano, moorussiyaniwaya, Yena naahala owiirelatja, nookassiriyawawe, iiraka: ⁶ Kihontthapela mwenyaaka oSiao, mwaakwaaka ttakattiifu. ⁷ Kinaahala ohimyatja ekettelo tjaaPwiya. Ayena ahokiirela: We omwaamwanaka! ⁸ Okilepele inaahala woovaha elapo nimapuro oottalivatja. ⁹ Onaahala opanka tjintthunaa. ¹⁰ Vano, mamwene n'hohimeeriya; nkhale ootthuna ovaanhihiya, ahooleli onlaponi. ¹¹ Mwaakokhorele Apwiya niwoova ni mwiittottopeke ninttittimiho. ¹² Munfente mwaana wiira yena hirussiye ninhu, ni wiira n'hikhwatje orussiyawawe wapharela. Ooreeriya phaale ooteene anontthawenla Yena.