¹ kinaahala woottittimihani, Apwiya, kontha n'hokittiyenla ni khamwaahiyale awananyaaka yiittottopaka; ² Apwiya, Nlukwaaka, kihookhuwelani ni Nhu n'hokivoniha. ³ Apwiya, Nhu n'hokumiha nrimaaka nkhapureni, n'hokikhaliha nkumi wiira kihikhuruwele nmahiye. ⁴ Mwiipele etjipo Apwiya, nhu nri atthwaawe owiiwelela! Munvahe mahala muupuwela ettakattiifwaawe. ⁵ Kontha orussiyawawe woowakathi vakaani, massi n'nemanawe khanin'mala. Wunla okhumenla ohiyu, massi otteeliya okhumenla owitjissu. ⁶ Nookhuluvelawaka, kaahiira: Akin'moratho. ⁷ Apwiya, nin'nemaninhu, Nhu n'hokikhavihera phanka mwaako woolipa; massi owakathi ovithaleenhu ekhoveenhu, kaahokhala ookutakuthyaa. ⁸ Kihookhuwelani, Apwiya, ni kaahorweela n'nema naafuntyaaka! ⁹ Efaitani eri mookhwaniwaka, kakhuruwela nkhapureni? Ntthupi ninaahala woovuwihani? Ninaahala ohimyatja n'nemaninhu? ¹⁰ Mwiiwe, Apwiya, ni nkoonele ekiriri! Apwiya, nkhale nkhaviherwaaka! ¹¹ Nhu n'hokipittikussatja; n'hokirula ekuwotjaka tjossaakho ni n'hokiwariya otteeliya. ¹² Vano, n'nava, nrimaaka woottittimihiya onaahala owiipelani ni khun'hala okhala woomaala. Apwiya, Nlukwaaka, kinaahala woossukhuruni woohimala!