¹ Mwaavuwihe Apwiya, nhu, assaana aNluku; mwaavuwihe Apwiya waarya niikuru! ² Mwaavuwihe Apwiya waarya wiira ntjinanaya ninaaphwanela; mwaakokhorele Apwiya mootthunani nuuttakattiifwaaya. ³ Ntju naaPwiya ninawiiwanyaa nmaatjini. Nluku owaarya naaverunha; Apwiya anaaverunha nmaatjini mentji. ⁴ Ntju naaPwiya nokuru; ntju naaPwiya nokhweeli. ⁵ Ntju naaPwiya inaatankula tjoolipa; Apwiya anaakwanhula tjilipale. ⁶ Apwiya anaattettemeliha etthaya. ⁷ Ntju naaPwiya ninaakumiha mooro. ⁸ Ntju naaPwiya ninaathukumeliha moothakoni; Apwiya anaathukumeliha moothakoni tjo Cades. ⁹ Ntju naaPwiya ninaweenheenhiha miri tjuulupale. Ooteene njapelamwaya aniira: Waarya! ¹⁰ Apwiya yookomale phanka Mwene watjulu wopaluwa yomaatji; Apwiya anookoma phanka Mwene omahuku ooteene. ¹¹ Apwiya anawaavaha ekuru athhwaaya; Apwiya anawaareeriha atthwaaya ninrettele.