Ekapiitulo 28
1
Kinawookhuwelani, Apwiya, mwalaaka; n'hikikhotte, kontha, mweehikaakhule, kinaahala otakaneela naatthu ookhwa.
2
Mwiiwe okhuwelawaka woossanka, keevussaka matataaka wonphante wonupeenhu!
3
N'hikikhupe naatthu omwiipihini, yaale anvara tjootakhala, anuuluma ninrettele naakhwaaya, massi ahaana etjuku wanrimaniwaya.
4
Mwaavahe, mwaha womitekotjaya, ni mwaatthuvela mwaha wotjitthu tjinvaraaya, mwaavahaka yowaaphwanela.
5
Kontha ayenatja khantjuwela tjoovara tjaaPwiya, wala miteko tjon'matataniwaya, Ayena anaahala waamorissatja ni khan'hala ovuwatho.
6
Oottottopeliya akhale Apwiya kontha ahiiwa okhuwelawaka!
7
Apwiya ekurwaaka ni mwaakiherwaaka. Ayena anaakhuluvela nrimaaka ni kinaakhaviheriya. Phimaana, nrimaaka onaatthapa tjinene, ni kinaahala waavuwiha niitjipo.
8
Apwiya ekuru tjaatthwaaya; ayena ntthawenlo wowoopwaa wantthu ntthapenlyaaya.
9
Moopole atthweenhu ni nreerihe yoohalaneenhu; nkhale Nhu nkukhulyaaya ni mweettihere woohimala.