¹ Nkilamule, Apwiya, kontha kineetta ninfento; kin'naakhuluvela Apwiya, woohissirikan'na. ² Nkiwehawehe, Apwiya, ni nkilawihe; nlawihe oreera womuupuwelelwaaka ninrimaaka! ³ Kontha otthunawinhu wowaataana onkhala ohoolo womeethwaaka ni kineettela ekhweeliinhu. ⁴ Akinpatthan'na naatthu owootha, wala akintakaneela naatthu oohimyahimya. ⁵ Okirussa nthukumano waanamanhala, ni akinkhala naatthu ootakhala mirima. ⁶ Kinaanhawa matataaka moohkossa, ni kinaarwaa waltaariwinhu, Apwiya, ⁷ kiipaka ntjipo nonttittimiho ni kittonkaka miiriiryatjinhu tjooteene. ⁸ Apwiya, kinaafenta enupa enkhaleenhu, nipuro waaryawinhu onkhalaaya! ⁹ N'hikikwanhle naanatanpi, wala ekumyaaka naatthu anamanhala, ¹⁰ matataaya anvara tjootakhala, ntata noolopwana ninvara tjoonhala. ¹¹ Massi, miivano, kin'hala weetta niikhweli. Nkoopole ni nkoonele ekiriri. ¹² Enhaatjaka tjiri thayaari nipuro nowaatalyaa; mapuro oothukumana, kinaahala owiipelani, Apwiya!