Ekapiitulo 20
1
Apwiya yookhavihere nihuku nomahuviho; ntjina naNluku ooJaco ookhavihere.
2
Onkhalaawe, oowiihere nkhavihero ni oohulusse okhuma oSiao.
3
4
Yena uupuwele tjoovahatjaa tjooteene ni aakhenle okuttho wooteene on'halaa ovaha. Yena oovahe tjootthuna tjowanrimaniwaa ni avare tjinuupuwelaa tjoteene.
5
Vao ninaahala otteeliya otthemawaa ni, mwantjina naNlukweehu, ninaahala weemessa ethoonhero. Apwiya atthunele tjoovekelatjaa tjoteene.
6
Vano kinaatjuwela wiira Apwiya anamoopola ntthapenlyaaya; Yena nrumenla niirimwaawe ttakattiifu ni nkussa niikuru wontatanawe noolopwana.
7
Akhwaawe ankhuluvela mikukuttha, akhwaawe, ekhavalo, massi hiivano ninkhuwela ntjina naaPwiya, Nlukweehu.
8
Ayenatja anaatherekuwa ni an'nomora, massi hiivano ninaatthema.
9
Apwiya, n'moopole mwene; n'nikhavihere nakhuwelavale.