¹ Mwiiwe mavekelwaaka, Apwiya; mwiiwe okhuwelawaka. Mwaha won'nemaninhu niissariya, nkaakhule! ² N'hinlamule nantekweenhu, kontha ohoolowinhu khaavo nassariya. ³ N'wanani hoomolaniha nrimaaka; yena hokimorihela vathi; yena hokihiya npiphini phanka yaale akhwale khalayi. ⁴ N'nepaaka ohotteetthyaa. ⁵ Kinawuupussrea mahuku okhalayi; kinaweettela mitekotjinhu tjooteene; kinawuupuwela tjoovaratjinhu. ⁶ Mavekelwaaka kin'nootaphulelani matataaka; nrimaaka ori nintthona phanka etthaya yowuuma. ⁷ Nkaakhule wowaakuvyaatja, Apwiya, kontha n'nepaaka ohomalela. N'hivithe ekhoveenhu, kin'hala okhala phanka yaale ari munlikittini. ⁸ N'kiiwihe otthunawinhu woowitjissu, kontha kin'nookhuluvelani. Nkithoonhere nttala onpheelaaka weettela, kontha nrimaaka kihoovahenrani. ⁹ Nkaakihere awanani, Apwiya; ni kinawootthawenlani. ¹⁰ Nkifunttihe ovara wootthunawinhu, kontha mwaNlukwaaka. N'nepeenhu wooreera okeettihere nlaponi. ¹¹ Apwiya, nkikhalihe ninfento nontjinaninhu; nssariyaniwinhu, nkumihe nrimaaka moohuvani. ¹² Mootthunaniwinhu, mun'naakumiha awananyaaka ni mun'naakwanhula awananyaaka, kontha kinantekweenhu.