Ekapiitulo 142
1
Nintjuunaka, kinawaakhuwela Apwiya; nintjuunaka kinawaavekela Apwiya enpheelaaka.
2
Wunlawaka kinawaavahenra; kinawaattonkela mahuvihwaaka.
3
Mwiirutthuniwaka n'nepaaka wakhala wootteetthyaa, Nnhu n'naatjuwela nttalaaka. Nttala oneettaaka, ohovithiya nryankho.
4
Kinaaweha moonwaaka nlopwana akin'moona oopheela okhala nimi. Akinoona wookelela; khaavo oopheelatja ekumyaaka.
5
Kaahookhuwelani, Apwiya, ni kaahiira: Nhu mwantthawenlwaaka, elapo yovathi.
6
Mwiiwe okhuwelawaka, kontha kihohuva tjinene; nkaakihere ankoomolaniha, kontha phoolipatja wookivikana.
7
Nkumihe nrimaaka nkalapoosso. Vano, kinaahala ovaha mahala ntjinaninhu. Anassariya anaahala okirukureerya kontha Nhu mwan'nemanaka.