¹ Apwiya, nkoopole mwantakhali; nkissunke mwaatthu ootakhala. ² Wanrimaniwaya, ayena anpheela woopankani yootakhala; aanpheela owana mahuku ooteene. ³ Nliminaya ninaarakaliha phanka enuwaa; nssene novili niri mwaanomwaya. ⁴ Nkikumihe n'matatani mwaatakhali, Apwiya; nkikhavihere mwaatthu ootakhala anpheela okimoriha. ⁵ Ankitthonkomanihera nryankho, ahokitaphulela ntthavi. ⁶ Kaahowiirela Apwiya: Nhu mwaNlukwaaka! Mwiiwe okhuwelawaka niikiriri. ⁷ Apwiya, phinhu oowerya oopheela okoopola; Nhu n'naassunka murwaaka nihuku nokhotto. ⁸ Apwiya, n'hintthunele ntakhali tjinpheelaawe; n'hikupaleele wiira ankhilyaawe akhalane eweryelo. ⁹ Ooteene ankirukureerya anawooromiha murwaaya; anaahiya yotakhala yaakhuneelaka. ¹⁰ Mwaahiye amorekle mapuro ooviha; mwaarihele n'mooroni, ehime tjowinssa, wahinkhumaayatho. ¹¹ Atakhali ahilipe elapo yovathi; ntthu omanhali, yootakhala emoomolanihe npaka wan'moraawe. ¹² Kinaatjuwela wiira Apwiya anaahla onlamula oohuva, ni Ayena anaahala onvaha essariya yoole oohuva. ¹³ Weekhweeli, anassariya anaahala ovaha mahala ntjinaninhu; oophwanela anaahala okhala niNhu.