¹ Mwaattottopele Apwiya. Mwaavaheke mahala Apwiya, kontha ayena phooreera, kontha nfentwaaya khun'malatho. ² Tupani n'hala okhwitiri miteko tjokuru tjaaPwiya wala okhwuwela mitekotjaya tjotjipo. ³ Ooreeriya phaale anvara yooreera, mitekotjaya tjinkhala tjossariya. ⁴ Nkuupuwele, Apwiya, mwaathoonhera nfento atthweenhu; nkootole niwoopolawinhu. ⁵ Tjitjon'mo, kinaahala woona yowanriiha waatthu yaathanlaleenhu, ni kinaahala wiittottopa nootteeliya waatthwaanhu, ni kinaahala otteeliya niyookivaheenhu. ⁶ Ninaakossa, phanka atthweehu avirale; ninaakossaka ni ninaapankaka yootakhala. ⁷ An'nathumwanihu khaawehale mitekotjinhu tjomiiriirya wiigiipitu; ayenatja anookhottatja mitekotjinhu tjintji tjokhweeli; ayena yaari atthu oohanhuriha wiirimu, vamotja niipahari yoosseerya. ⁸ Phimaana, Yena hoopola, mwaha wontjinanawe, wowiira athoonhihere ekurwaawe. ⁹ Yena aahotthukela epahari yoosseerya, ni yaahuuma. Woottharenlana, aahoweettihera mowinssa, phanka moothakoni. ¹⁰ Yena howoopola nmatatani mwayaale yaathanha, ni yaahaakumiha mooweryani mwan'wanani. ¹¹ Massi maatji yaahaakhuneela yaatthara; khaavo n'motjaaya aahanle. ¹² Vano, yaahaamini moolumweenhu ni yaahowiipelani etjipo. ¹³ Massi ayena, wowaakuvyaa, yaaholiyala tjaavaraleenhu, ni khayanriihale tjoowiitthutjihatjinhu. ¹⁴ Ayena yaarina etthunelo tjoohihala moothakoni, ni yaahonwanana Nluku munttetthe. ¹⁵ Ayena yaahaavaha yaalepelalyaaya, massi yaahokurussa ekwerere yaakelale mwiirutthuniwaya. ¹⁶ Moothukumanani, yaahomoonela nttima Moises ni Arao, anankuttho ttakattiifu Aapwiya. ¹⁷ Etthaya yaahotthukuwa ni yaahomiriya Data, yaakhuneelaka awatthara Aabirao. ¹⁸ Waahaakhumenla mooro, ni waahaapaha omwiipiphini. ¹⁹ Yaahonpankatja ttontto oHerebe, ni yaahonkokhorela yooyo. ²⁰ Ayena yaahakakhaniha waarya waNluku ni ttontto oolya ehalahalo. ²¹ Yaahonliyala Nluku, moopolyaaya, yooyo aapnakale tjitthu tjuulupale wiigipitu. ²² Ayena yaahopanka miiriirya elapo yooCam, nimiteko tjuulupale epahari yoosseerya. ²³ Ayena yaahokhomela wiira yaakwanhule atthu, Moises yanthanlalyaaya, hivekelale, naayena, wiira ahulusse orussiyawaya woopheela waakhwanhula. ²⁴ Vano, ayenatja yaanootanhifwatja etthaya yooruweriya; khayaaminale yaakhuluvelihalyaawe, ²⁵ massi yaanottokutta n'heemanimwaya, ni khawiiwenlale Apwiya. ²⁶ Phimaana, ayena yaahovussa ntatanaya ni yaaholuphela wiira yaanawaahiya akhwe moothakoni; ²⁷ yaanawaakawanihatja assimutjaaya nlaponi, niwaavavaressatja nlaponi tjoottayi. ²⁸ Ayena yankokhorela Baal-Peor ni yaalyaale tjoovahiya waatthu ookhwa. ²⁹ Ni yaahopatjapatja orussiyawawe, nimitekotjaya, ni assinttuuttu yaahaakhuruwelatja. ³⁰ Vano, Fineias aahovuwa wiira aakihe, ni assinttuuttu yaahomalamala. ³¹ Yeela yaathoonheriya phanka nteko womakhoto ooteene. ³² Ayena tootho yaahaarussiha Apwiya nmaatjini Meriba, ni Moises aahottarussiya mwaha waayenatja. ³³ Ayenatja yaahonwaawiha Moises, ni yena aahuuluma enan'na hoohikhala. ³⁴ Ayenatja khaayaakwanhulale elapon'nho, phanka Apwiya tjaahimyalyaaya, ³⁵ massi yaahiitakanihera niilapo, ni yaahofuntta mittalatjaya. ³⁶ Yaahaakokhorela anlukwaaya oohikhala, yaakhanle miryankhotjaya. ³⁷ Ayenatja yaahovaha okuttho assaanaaya assilopwana naassaanaaya assithiyana minepa tjootakhala. ³⁸ Yaahiivatja, assaanaaya assilopwana naassaanaaya assithiyana, yaayo yaavahalyaaya anluku oohikhala oCanaa, atakhalihaka etthaya niiphome. ³⁹ Ayena yaahotankanhiya nimitekotjaya; nimitekotjaya ayena yaahoraruwa. ⁴⁰ Vano, Apwiya yaahorussiya naatthwaaya, ni yaahotanhifu etthuvwaaya. ⁴¹ Ayena yaahaavahenra nmatatani molapo, ni yaale yaathanha yaahaakhwitiri. ⁴² Awananyaaya yaahaahuviha ni ayenatja yaahokhala wanipuroniwaya. ⁴³ Emaara tjintji, Ayena yaahopheela waakhavihera, massi ayenatja khayaatthuna etthu ni yaahomorihatjiha mwaha watjookossatjaya. ⁴⁴ Vano, Ayena haahomananiha waaviriyana, owakathi waawiiwaaya yunlaka woopheela okhaviheriya. ⁴⁵ Ayena yaahuupuwela waataana naayena ni yaahiituthuwa, mwahawonfentwaaya wokhweeli. ⁴⁶ Ayena yaahopanka wiira yaattharenla yoonele ekiriri. ⁴⁷ N'oopole, Apwiya, Nlukweehu. N'nithukumanihe ooteene wowiira nivahe mahala ntjinaninhu ttakattiifu, ni waarya moowiipelani. ⁴⁸ Apwiya, Nluku owiisrael, attottopeliye womahuku ooteene ni ooteene. Ooteene yiireke: Amem. Mwaavuwihe Apwiya.