¹ Vano Yesu omalihayawawe wahimerya n'manyaruniwaya wathu nulumo nooteene, ahokela oCafarnaum. ² Nan'teeko n'motja, ahoolela athu eminya, owaattana ventji niyeena, ahooweren'ya ventji ohaala vakani okwa. ³ Win'wawe wulumiyaka Yesu, n'hooleli athu emiya ahon'ruma n'paka huumu Ojudeu alepelaka wera yeena awe ni amopole nan'ttekwawe. ⁴ Ayenatja ophiyawaya wa Yesu, yahon'lepelatja an'khanyerihaka: "Yena opwanela opaka yeeyo. ⁵ Vano namafenta athu, ni ttekale enupa yawihu. ⁶ Vano Yesu ahokusa n'ttalawe nayeenatja. onahan'le vakani ophiya wanupani, n'hooleli athu emiya aharuma asipaattaniwe wera ahimerye: "Pwiya, n'hikuttakuthiye, kontha akin'pwanela woowira n'khale ownyan'ka. ⁷ Wayeela esariyela akin'pwaneliya ottapeliya wera kirwe nakumane; eneriya nulumo nimotja pahii nan'ttekwaka n'rwa ovonihiya. ⁸ Vano ttootho kirii okhuluvelihiya, ni kihana anattoropa kinarumaka. Mi kinmuirela: "N'rwe" ni yeena narwaa; ni kinamuirela n'kina "Oowe" ni yeena naawa; min'yaano kinamuirela nan'ttekwaaka: "N'paake eela" ni yeena napan'ka. ⁹ Vano Yesu win'wawe yeeyo, yeena ahookhala osan'ka, ni aharukunuwela athu aale yan'ttara, hiira: "Minyaano kinohimeryani wera won'wo wisrael akin'pwanyaale n'thu owaamini ventji". ¹⁰ Vano ayeenatja ahaveleliha wa oole yahohokolela owani ni yaahon'pwanyatja nan'teko n'kumi. ¹¹ Ohiya yeeyo, yaahokhumen'la wira Yesu akhala arwaka epoma yihaniyaka Naim, arumeiyaawe yaarwa niyena, wamotja nin'phiko n'motja. ¹² Wathamen'lyaawe n'khora woopoma, n'lopwana okwa ahokhala oteesiya , muaana n'motja anumuanawe. Ayeena yaari anan'khweeli, ni nathu entji opoma yaari nayena. ¹³ Vano Apwiya woonawaya, yeena ahoowatamana ayeena , ni ahomuirela: "Ohun'le!" ¹⁴ Vano yeena ahoophiya vakhiviru, hoovara tjithu tjothon'komanihiya miiri tjakusiye niruthu, niyoole aheemela ni yeena hiira: "Amatjove, Mii kinawuhimerya, wuun'we". ¹⁵ N'lopwana akhaala ookwa ahun'wa ni ahaan'tjera wulumatja. Vano Yesu ahaavaha anummuanawe. ¹⁶ Ni wahovikana woova wathu ooteene ni ayenatja yahon'thapela N'luku yiirika: "N'rumeyi mulupale ahookhumelela wamin'thoniwinyu" ni "N'luku awehaka athuwaawe". ¹⁷ I'nyaa ehapariya muaaha wa Yesu wahomuarela mapuro oteene Ojudeia ni elapo yootene yowathamana. ¹⁸ Marumeyi a Joao yahon'himeriyatja tjithu tjoteene wa yeena. ¹⁹ Vano Joao ahihana arumeiyaawe eeli ni aharumatja n'paka wa Pwiya wira ahimiye: "We okhan'le yoole on'hala oowa walani nihana niwehen'raka n'kina? ²⁰ Vano ayeenatja on'pwanyawaya Yesu, yahiratja: "Joao Batista honiruma waanyu wera nokoheene: 'We oori yoole aaphela owaa waalani nimuariheke n'kina?'" ²¹ Yee wora emotja yeena haavoniha athu entji oreetta, mahuviho, tjo minepa tjottakhala, athu entji oohona yaahona. ²² Yesu akhula,m eraka: "N'rwe ni mwahimerye Joao yooteene monalen'yu ni muin'walen'yu. Athu ohoona an'khala yoonaka, owuunttakeya an'khala yeettaka, anamakuttula an'khala arerihiyaka, ohin'wa an'khala yiin'waka, ookwa an'khala ahokoloseriyaka okumiyaaya ni athu oohuva an'khala ahimeriyaka tjithu tjorera". ²³ Oreriya ttule hin'hiiya wiin'welela ekweliyaka womittekotjaka. ²⁴ Vano arumeyi a Joao yahorwatja, Yesu ahan'tjera wuuluma nathuawe muaha wa yeena. "Orwaale woona esiyani muthakonimo? Malassi ettinkaka niphiiyo? ²⁵ Waarwale woona esiyani? n'lopwana oowara ekuwoo tjan'kani? ni athu an'wara ekuwo tjorera ni ahana akhalaka owooniya ni enupa yamwene. ²⁶ Massi warwale woona esiyani? n'rumeyi n'motja? Miiyano kinawakhulelani, ventji woon'vikana n'rumeyi. ²⁷ Eela erii yeele ekhan'le yowan'thikhiya: 'ni kiiri kivahen'raka n'rumeiyaka wamuin'thoniwawe, yoole n'rwa othon'komaniha n'thalaa wamithonowa. ²⁸ Miyaano kinawuuhimeryani wayaale ayaariye ni n'thiyana, khavotho mulupale woon'vikana Joao, massi yoole muakani mumweneni wa N'luku, rii mulupale won'vikana yeena". ²⁹ Vano win'wawaya athu ooteene yeeyo, nale athu yaalivaya n'tsookhio, ooteene yaahohimuitja wera N'luku rii oosariya, vano n'khale opathisiya ni pathiso wa Joao. ³⁰ Massi mafariseu ni amuithutjihii Ojudaica yahokhothatja ekano tjan'Luku vekhaya, ohikhan'le opathisiya waayena. ³¹ "Tiipani, akhan'le, kilataanihiyaka na athu waayola okathyuula? waayale analikaniya? ³² Arii ntoko assana athuwelatjaka oparassa anawuunkoma ni anawiihana n'thu nikwaawe ni anawera: Hiinyaano ninamopa n'petha, massi khawiin'nale. Hiin'yaano ninipa ntjipo nonokwaani ni khamun'lale. ³³ Joao Batista howaa, hiikhun're ephaawu ni hiivuryee niphaa, ninhu n'hohimuitja: Yena haana n'tjassera. ³⁴ Howa Muana An'thu, aliyaaka ni avuriyaaka, ninhu n'hiiratja: N'khala nlopwana mulupale nan'hapaliya onipha, n'pathaniyaawe namalivihatja n'ssokho ni anatapi! ³⁵ Massi otjuwelatja okhaviheriya nassanawe ootene". ³⁶ Vano, n'fariseu n'motja akhala alepelaka wera Yesu aliyee ni yena. Vano Yesu ahookela n'pani muafariseu ni ahonkoma wametja wera aliyee. ³⁷ Yaahavo yeele epomele n'thiyana n'motja arii natanpi. Wonenlaliyaawe wera yeena onkomale waametja wanupani wan'fariseu, ayeena ahookussa n'koopo womakhura onukhela. ³⁸ Vano ayeena ahorwa ottuliwawe, wakhiviru wamettoniwawe ni ahomothiha. Ni ahan'tjera onaniha mettotjawenyo ni methoriyaawe; ni akivuvurika nikhararitjawe tjomuruwawe; ni akibetjariki enhatjaka, ni athikithelaka makhura onukhela. ³⁹ Vano n'fariseu akhan'le on'kharipulela Yesu ahoona yeeyo, yeena ahupuwela vekhawe: "Akhala n'lopwanola n'rumey, anahaala otjuwela n'thiyanani yoola nonvarawila, vano ayena ankhala natanpi". ⁴⁰ Vano Yesu ahakhulela, eraka: "Simao, mi kihana ethu yowuhimeryaa". Ni Simao ahiira: "Wulume muithutjihi". ⁴¹ Yesu hiira: "yaahavo anamalokihiya eeli ni namalokiha n'motjooyo alokihiya eminha thaano ni n'kinooyo alokihiya haansini wooparata. ⁴² Okhala wira ayeenatja khayarinatja n'surukhu wooliva tjalokihiyaaya, namalokihooyo ahalevelela ooyeeli. Waayaalatja thipani an'fentaalyaawe ventji?" ⁴³ Simao ahakhula: "Mii kinona wera yoole aleveleliye ventji". Homuirela Yesu: "Ohon'hukhumulaa saana. ⁴⁴ Yesu aharukunuweela athiyaanayo ni ahomuirela Simao: "on'nomona n'thiyaanola? Mii kihokela n'paniwa niwee khukivahale matji wira kirapihe enaatjaka, massi oola n'thiyaanola honaniha enhaatjaka nimenthoriyaawe ni hokivuvuriha nikhararitjawe. ⁴⁵ Wee khukivahale ebetjo, massi yeena, kaweeru muu, khahiyerale obetjari enhaatjaka ⁴⁶ Khukotiihale murwaakooyo ni makhura, massi ayena ahokotiiha enhaatjaka ni makhura owukhela. ⁴⁷ Phimaana , kinamuhimeryaa wira etanpitjaa tjintji tjikhanle tjoleveleliya wolathu yeena woonifento nintji. Massi yoole n'leven'liya vaakani, on'fenta vaakani. ⁴⁸ Vano yena homuirela: "Etanpitjinhu n'khanle oleveleliya". ⁴⁹ Wayaale yokomatjale wametja yahatjera witjerelatja. "Tipani yooyo n'paka nlevelela etanpi? ⁵⁰ Vano Yesu ahomuirela n'thiyana: "Waminiwaa uhoowopola. Orwee niretheele.