¹ Vano Yesu, otjaria N'nepa Nttakattifu, ahohokolela omuro wo Jordao ni ahettiheriya ni N'nepa muthakoni. ² Mahuku arrupaini, Yena ahottehattehiya ni satana. Yaala mahukuaala, Yesu khaaliale ethu ni wumaleoni ahovoliya etala. ³ Satana ahomuirela: "We wakhala wiira Omwana a Muluku, orume nlukun'na wira ni thatuwe ephau". ⁴ Ni Yesu ahakhula: "Ehantikhiya, khahiyolia pahi phininkhaiha okumi. ⁵ Vano satana Ahonkussa mpaka nipuro noorekama, ahonthonhihera omwene wotene wontuniani ⁶ ni ahira: "Mi kinawuvaha oweria wothema omwenioola wotene, ni waria wotene. Kontha mi kinovahiya, ni mi kinonvaha yoole nonthuunaka. ⁷ Thimana, wakikokhorela, tjoteene n'nha tjin'hala okhala tjawa". ⁸ Massi Yesu ahakhula, iiraka: "Ehantikhiya, wakokhorele a Pwiya Muluku Passi ni wattithimihe yaayo passi. ⁹ Wowakulela, satana ahonkussa Yesu o Jerusalem, ahonhiya watjuluwaya etemplo, ni ahira: "We wakhala wira Omwana a Muluku, otuphele vathiva. ¹⁰ Kontha ehantikhiya: "Yena nahala oruma malaikhaawe wira yorattavenle ni Yosunke. ¹¹ Ni ahiratho: "Ayenatja anahala wuvareenla matataayo wira mettotjan'yo tjikuakuathuliye ni nluku. ¹² Yesu ahakhula iraka: "Ehantikhiya, muhattehattehe a Pwiya Muluku". ¹³ Ni, satana nanttehattehale, satana ahon'hiya Yena. ¹⁴ Vano Yesu ahohokolela o Galileia, Ni kuru tjo N'nepa, ni ehapari mwaha wa Yena yahophiya nttethe wowatamana. ¹⁵ Ni anasomiha m'masinagoga, ni athu otene yananttittimiha. ¹⁶ Yena ahowa o Nazare elapo yun'nuwaliawe. Ntoko tjalamalenliawe, Yena ahokela nsinagoga, nihuku no sabado, ni ahovuwa wira assome Tjowantikhiya. ¹⁷ Ni Ahovahiya elivuru yovilikeliya ya porofeta Isaias, ahotaphula, ahophunha nipuro nantikhiye: ¹⁸ N'nepa wa Pwiya ori ni mi, Ayena ahokithanla wira alalie ehapari yorera wa masikhini. Yena hokiruma wira kihimiatje othukuliya ni wavaha woona ohoona, wira athukule ale ohuvihiya ¹⁹ ni alaliee mwakha worera wa Pwiya. ²⁰ Vano yena hothuka elivuruiile, ahahokolossera ale yona nsinagog ni ahonkoma. Otene yaale yari nsinagoga yera an'wehesesaka Yena. ²¹ Yena ahantjera wahimeria: "Olelo tjowantikhiya tjomaliheriya tjimalalen'nho win'wa". ²² Wakuta m'motja ahovaha enamoona wa yele Yena yahimaliaawe, ni otene yale yari otteliya ni molumo yakhuma mwaanowawe. Ayenatja yera: "Ola kahi mwana a Jose?". ²³ Yesu ahahimeria: "Nkihimerie n'na nlikanihon'na: "Nkulukhano, namwiviniha mwaneene. Opanke elapoaa tjotene tjinwalehu epankaliaa oCafarnam". ²⁴ Ni Yena hiira: "Kinawulipiherani wira khaavo profeta nakhenliya worera owan'nhawe. ²⁵ Massi wekhweli kinawuhimeriani wira tjahaavo minankhweli wIsrael owakathi we Elias, mwaakha miraro nii n'nuusu wohirupa epula, ni yahokhumenla etala elapoeele. ²⁶ Massi Elias kharumiye wanakhala wayenatja, massi wanankhweli yakhaa oSarepta, wakhiviruwauya epoma osidom. ²⁷ Owakathi wa profeta Eliseu, yahavo anamakuttula entji wIsrael, masi avonihiye m'motja, Naama, Sirio". ²⁸ Otene nsinagoga yahorusiya owakathi winwaliaya tjithun'nha. ²⁹ Ayenatja yahovuwatja, Yahomomolelatja otawaya epooma ni Yahonruaana mpaka watjulu mwaako nipuro natekiye epomaaya, aphelaka onrihela vathi. ³⁰ Massi Yena ahokhuma eriyariwaya ni ahokussa Ephiroaawe. ³¹ Vano Yena ahokuruwela mpaka Ocafarnaum, epoma yoo Galieia, N'masabadoni Yena era aassomihaka athu nsinagoga. ³² Ayenatja yanatikinihiya nuwinthutjihawawe, kontha ahimeria nikuru. ³³ Mahuku yale, nsinagoga, ahaavo nlopwana ettiheriya ni minepa tjotakhala. Yena anakhuwelatjinene: ³⁴ "Ni rinani niwe, Yesu o Nazare? We owaale onikuanhula? Mi kinawutjuwela We, Ttakattifu a Muluku!". ³⁵ Yesu ahomwakhula nsasera, iraka: "Maala ni okhume!". Nsasera ahomorisa nlopwamoole wariyariwaaya ni ahokhuma wohimwiriha ethu. ³⁶ Ni athu yahokhala otikinihiya ni, nthu ni nkhuawe, yanahimeriana: "Molumoniaala? Ni kuru nu weria Yena nawomola minepa tjotakhala ni tjinakhuma". ³⁷ Ni tjohimiyatjawe ahantja olattuwela mittethe tjotene. ³⁸ Vano Yesu ahohiya esinagoga ni ahorua mpaka owan'nhawe Simao. Amathiaawe Simao yanahuvihiya ni ttekusa, ni ayenatja yanawalepelela ventji tjinene. ³⁹ Yesu ahoworomela ayena ni ahomola ettekussa, ni yahukhuma ettekussa. Owakathi yooyo, ayena yahovuwa ni yahantjera onvarela nteko. ⁴⁰ Owakathi ntjuwa wakelaya, athuaale yahomwanela Yesu aretta, wakhuta enan'na yoretta. Yesu, awatalelaka ntata wakuta nthu, yanavona. ⁴¹ Ni asotuani yahakhuma yale, ekhuwelaka yiraka: "We Omwana a Muluku!". Ni Yesu anawomola asetuani, hahiyenraka wuluma, kontha ayena yanatjuwela wira Yena ari Kristo. ⁴² Owakathi wasaliaya, Yesu ahokhuma orwa muthakoni wira avekele. Ni athuaale yanamphelatja ni yahowa mpaka nipuro Yena wakhalaawe. Ni yanankhottiha okhuma. ⁴³ Massi Yesu ahowirela: "Mi kihana olalia ehapari yorera wo Mwene wa Muluku elapo tjikinaku, yeeyo phirumeliaaka". ⁴⁴ Vano Yena ahohokolela olalia m'masinagoga mpaka epoma yotene yoo Judeia.