¹ Mwaakha wonakhuumi nathanu Cesar nari mwene Otiberio, nhulupale Pilatus nari n'hooleli Ojudeia, ni Herodes, n'satoro Ogalileia, ni muulupalyaawe Filipe, nari n'satoro owitureia ni Traconitas, ni Lisanias nari n'satoro Obilene. ² Owakathi waanankuttho Ananias ni Caifas, nuulumo nan'luku naahowa wa Joao, mwaana a Zacarias, moothakoni. ³ Yena aahorwaa ntjoko wooteene woorukureerya Ojordao, alalyaaka mpattisso wowiituthuwa, wira tjoottheka tjikhale tjoolevenliya. ⁴ Toko tjantikhiyaaya n'liivuruni moolumo anamalalyaa Isaias: Ntjuu naakhuwela moothakoni; N'tthonkomanihe ephiro yaapwiya, mookolole ephirotjaya. ⁵ Malikitti ooteene avuhenliye, myaako tjooteene niitturu tjaapatthenliye, ephiro tjootjikuwatja tjookololiye. ⁶ Ni ooteene anaahala woopwaa wan'luku. ⁷ Joao aahowiirela atthu wiira an'hala opattissiya ni yena: Nloko novili, Tipani wiirenleni wiira ntthawe orussiya on'wa? ⁸ Vanotho wiimeke n'hokorokho wowiituthuwa, ni n'hiireke yaayoru: Nihaana Abrahaamu paapeehu, vano kinaawoohimeeryatjani wiira n'luku nawaapanka assaana Aabrahaamu npaka nimaluku yaala. ⁹ Ni ekatana eheessenriya wamitithaarini wonri, wiira wooteene ohin'hala wiima n'hokorokho onaathikiliya nuuriheliya wamooroni. ¹⁰ Ni atthu yaanonkoha: Vano niireke tjani? ¹¹ Ni yena aahowaakhulatja: Rina malaya meeli, nimotja an'vahe hirina, ni rina eyoolya apnke tjitjon'mo. ¹² Yaahophiya tootho anamaliviha n'ssokho, wiira apattissiye; ¹³ Ni yaahiiratja: Pwiya, niireke tjani? N'hiliviheke ovikana tjirumiyeenhu. ¹⁴ Anakhotto tootho yaahonkoha: Vano hiivano, niireke tjani? Ni yena aahowiirelatja: N'hinhukhumwe wala n'himootherye ntthu, nssukhuruku enaakheleenhu. ¹⁵ Ni atthu ooteene yuupuwela wiira Joao aari kristu. ¹⁶ Joao aahowaakhula ooteene: Weekhweeli, mikinoopattissani nimaatji, massi naawa ooweryessa ookivikana, wayooyo akinpwanela otthukula mikhoyi tjossapatotjawe; Yooyo naahala woopattissatjani nin'nepa nttakattiifu ni mooro. ¹⁷ Epossolwaawe eri n'matataniwawe wiira akwetjakwetje, nuutakaniha etiriku n'nikhupiniwawe; Ni naahala opaha nkhutta nimooro ohin'hala ottipyaa. ¹⁹ Tjitjon'mo, alipiheraka nitjitthu tjintji tjikhwaawe, Joao aanohimyatja ehapari yoorera waatthu. ¹⁸ Vano, n'hooleli Herodes, waatthukeliyaawe niyena mwaha weerodias waathela amwaara amwaamun'nawe, ni watjootakhala Herodes tjaavaralyaawe. ²⁰ Ni ahintjenra tjooteene, Joao aahotthukeliya nkalapoosso. ²¹ Atthu wiiraaya apattissiyaka, ni yesu aahopattissiya, ni wiiraawe alompaka, erimu yaatthukuwa. ²² Nin'nepa nttakattiifu waahon'khuruwela toko emhuntta; Ni naahowa ntjuu nimotja wiirimu: We omwaamwanaka nfentalyaaka, kinawoossukhuru. ²³ Ni yesuuyo antjale narina eyaakha miloko miraru, nari mwaana a Josue, mwaana a Eli, ²⁴ Mwaana a Matate, mwaana a Levi, mwaana a Melqui, mwaana a Janai, mwaana a Jose. ²⁵ Mwaana a Matatias, mwaana a Amos, mwaana a Naum, mwaana a Elsi, mwaana a Nagai. ²⁶ Mwaana a Maate, mwaana a Matatias, mwaana a Semei, mwaana a Joseque, mwaana a Joda. ²⁷ Mwaana a Joana, mwaana a Resa, mwaana a Zorobabel, mwaana a Salatiel, mwaana a Neri. ²⁸ Mwaana a Melqui, mwaana a Adi, mwaana a Cosa, mwaana a Elmoda, mwaana a Er. ²⁹ Mwaana a Josue, mwaana a Eliezer, mwaana a Jorim, mwaana a Matate, mwaana a Levi. ³⁰ Mwaana a Simeao, mwaana a Juda, mwaana a Jose, mwaana a Jona, mwaana a Eliaquim. ³¹ Mwaana a Melea, mwaana a Mena, mwaana a Matata, mwaana a Nata, mwaana a Davi. ³² Mwaana a Josse, mwaana a Obede, mwaana a Boaz, mwaana a Sala, mwaana a Naassom. ³³ Mwaana a Aminadabe, mwaana a Admin, mwaana a Armi, mwaana a Ersom, mwaana a Peres, mwaana a Juda. ³⁴ Mwaana a Jaco, mwaana a Isaque, mwaana a Abraao, mwaana a Tera, mwaana a Naor. ³⁵ Mwaana a Serugue, mwaana a Ragau, mwaana a Feleque, mwaana a Eber, mwaana a Sala. ³⁶ Mwaana a Caina, mwaana a Arfaxade, mwaana a Sem, mwaana a Noe, mwaana a Lemeque. ³⁷ Mwaana a Matusalem, mwaana a Enoque, mwaana a Jarede, mwaana a Maleleel, mwaana a Caina. ³⁸ Mwaana a Enos, mwaana a Sete, mwaana a Adao, Adao mwaana a muluku.