¹ Wa mahuku yaale, mwene Cesar Augusto ahoveleliha n'lamulo arumaka wira nipankiye n'thitho athu ootene yaakhala elapo yaakhalaya. ² Heyo yapankiye n'kwaha wopatjera vavale Quirino ariyaawe n'satoro Oosiriya. ³ Vano, ootene yaahorwa n'mapoma wayaratjiyaaya wira yalepiye n'thitho. ⁴ Jose niyena ahokhuma epoma yo Nazare, Ogalileya arwaka Obelem, wotjuwelessiya tooko epoma ya Davi, ni yena ari otjuulo wa mwene Davi. ⁵ Jose aahorwa naamwarawe Maria wira yalepiye n'thito. Yena aari nirukulu. ⁶ Yahokhumen'la wira, anaphiyatjalene Obelem, wahophiya okathi Matia wookhalana muaana. Vano yena ahon'yara muanawe , oopatjera niyena ahon'vilikelatja muinthapwathani. ⁷ Vano yena ahomuintjathi wamakunphuluni, okhala wira khawaarivo opuro woomaka. ⁸ Wa n'teethe yoole mapastor makinaku yari n'matakhwani, yethiheraka epwittipwithi tjaya ohiyu. ⁹ N'laikha nimotja Naapwiya nahowa eriyari waya waariya Wapwiya wanamonela eriyariwaya ni ootene yari nuwoova nuteeteemela ¹⁰ Vano n'laikha naahirela: "N'hoove, okhala wira kinuuwanelani ehapari yooorera yooteeliha n'rima athu ootene. ¹¹ Elelo, epoma ya Davi, nihoyareliya moopoli. Yena Kristo, Pwiya! ¹² Kinroa ontjuwela muaha wa n'thoonyero n'na: Yena nohala ovilikelatjiya muinthapwathani, nohala waataleliya n'nipawuni". ¹³ Wowakuviyatja, malaikha mentji, akhumaka wirimu, yahowa ni yahotakanela nin'laikha an'vuwihaka N'luku, ni yeeraka: ¹⁴ "Waarya wa N'luku owirimu ni okhale n'reteele eriyari waathu yaale N'luku naafentessawe saana". ¹⁵ Vano anahokoliyaaleene malaikha wirimu mapastor yaayo yaahirelana: "N'twee wowaakuvitja Obelem noone ethwila yotikinihela yiiraneyaleela ni Apwiya anithunihaliyaa ya otjuwela". ¹⁶ Yaahorwatja wowarwaatja wowaakuviyatja ni won'wo yaahonphanya Jose ni Maria muintjitjini ni yaahomoona muaana naataleliye n'nipawuni. ¹⁷ Anoonalene tjen'yo, ayenatja yahaahimerya athu yaahimeryaya ni muaha wo muaana. ¹⁸ Ootene yakumaanalenimapastore yaahokhala ootikinihiyawa yeele yin'waliyaaya. ¹⁹ Massi Maria aanamuinkathi wa tjooteene iraawe hin'waka ni anaassun'ka vanrimani wawe. ²⁰ Mapastore yahohokolela an'vuwihaka N'luku, ni omwipela N'luku tjitjan'mo tjinwaya ni tjoonaya tjaari tjitjan'mo tooko n'laikha naahimeraliyaaya. ²¹ Nihuku noneethano nathaaro, yaahophiya mahuku owulihiya muaana, ayo yaahonvaha ntjina na Yesu, tokoo tjitjan'mo n'laikha naamuihanaliyaaya, hinathi yena horupaliya n'mirimani ²² Vano mahuku yaahovira orerihiya waya yaahovira tokoo ekano tja Mossi. ²³ Kontha yaari yowantikhiya n'keteeloni wa Apwiya: "Muana opatjera oyariya oteene, hana avaheriyaka n'kutho Apwiya". ²⁴ Tokoo, eketelo yapwiya ayena yaahana ovaha tjoovelela "matjiya meeli walani ekhun'tha piili" tokoo n'kutho. ²⁵ Vano ahavo n'lopwana n'motja Ojerusalem ihaniyaka Simao. Yena aari nassariya noothunku, yena an'riha omaalihiya wo Israyeli ni N'nepa n'thakathifu wari niyena. ²⁶ N'nepa n'thakathifu wahon'himeerya wari khaahala okwa hinathi omoona Cristo akhuluvelihiye ni N'luku. ²⁷ Ethiheriyaka ni N'nepa N'thakathifu, Simao ahokela n'pani wa N'luku. Jose ni Maria yaahon'muana muaana Yesu, wira amaliheriye elamalelo tjaari n'kanoni. ²⁸ Simeao, ahomuakhela Yesu n'matataniwawe ni ahon'totopela N'luku iraka: ²⁹ "Pwiya muin'thunihe nantekwen'nyu wira arwee niretele, kontha hovara yeele nan'khuluvelihalen'nyu. ³⁰ Kontha, menthoaka ahoona woopola wiyu, ³¹ wa yeele etekatjalen'nyu wa athu ootene; ³² N'thuko wowaathonyihera amalapoli ni n'tiitimiho waathwinyu owiarael. ³³ An'napaapawe muana yaari otikinihiya wa tjithu tjahimiya muaha wa muamuanawe. ³⁴ Simao ahareriha ni ahira Maria amayawe: "Yoole muanoola ri waavussa athu entji wisrael wera ekhale ethu yoowanihaniya. ³⁵ Tootho ekatana enaahala wuuvira wanrimaniwava wowira mupuwelelo wamirima tjintji okhale wootaphuleliya. ³⁶ Namahimiya n'motja ihaniyaka Ana tootho yena aari won'wo. Yena aari muana Afanuel, nikhoto na Aser yena aari owuluvala, ni ahokhala nawan'yawe wo yaakha sapa. ³⁷ Vano ahokhala nan'khweli ni vano eyaakha suthuwini na tjesse yena khahiya enupa yaapwiya, ankokhorelaka Nluku wowakulelihatja nuuthuka ni nuswali. ³⁸ Wa okhathi yoole, yena ahopatjera onsukhuro N'luku ni aholuma muaha wa yaakhalaya awehen'raka oleveleliya wa Jerusalem. ³⁹ Vano ayena amalihen'riyaaya opaka tjootene tjaalanoliyaaya tooko ekano tjaapwiya, ayena yahohokolela Okalileya wa epoma ya Nazare. ⁴⁰ Ni muaanole un'nuwa wowakuviyatja akhala olipa, ni atjariyaka otjuwelatja, ni mahala Apwiya yaari niyena. ⁴¹ Assipapawe yanaarwa myaakha tjootene Ojerusalem, ofestani wopaskoa. ⁴² Yesu piheralyaawe myaakha n'loko napiili ayeena yahorowa ofestani, tokoo elamalelo yaarinaya. ⁴³ Anaman'lene mahuku othapeliya yaahokolyatjaaya Yesu ahohala Ojerusalem vano assipapawe khayatjuwelela, ⁴⁴ Vano yoona wira ari n'khurupu yarwa ekwaha n'naviralene nihuku n'tero an'muehawehaka, ayena yahopatjera on'muehaweha muamutji ni muassipathani. ⁴⁵ Vano ayena yahaamonalyaaya, ayena yaahohokolela Ojerusalem ni yahopatjera on'muehaweha won'wo. ⁴⁶ Nihuku noneeraro, ayena yahon'phanya n'pani Waapwya, non'komale eriyari wa waanamassomiha in'waka orateene ni an'kohakohaka. ⁴⁷ Oteene yamuin'wa yaakhala otikinihiya notjuwelatjawawe wala tjaakhulawe. ⁴⁸ Vano anamonatjalene Yesu, yahokhala otikinihiya. Vano amayawe Yesu yahomuierla: "On'pan'kelani tjitjan'mo tjo? apapaa nimivano naari ossakatjeene nowehawehakatjaka weeyova. ⁴⁹ Vano Yesu ahakhula: "Essiyani muiakhalen'nyu n'kiwehawehatjaka? nyeenyuva khamuatjuwela wera kaahana okhala n'pani waapapaka"? ⁵⁰ Massi ayena khayatjuwen'le essiyani Yesu aphelawe ohimya moolumo yaala. ⁵¹ Vano Yesu ahohokolyaa nassipapawe orwaka Onazare ni anawin'wen'la yaayo ni amayawe yanamuin'kathi tjootene tjen'yo tjithu tjin'waya wan'rimaniwaya. ⁵² Massi Yesu un'nuwa wowakuvyatja ni mahala yakhala mahala a N'luku ni athu.