¹ Ahooleli ooteene oojudeu yaahomwiiraanela, ni yaahon'rwaanatja wapilatus. ² Ni yaahopatjera omootheryatja yiiraka: Nihon'pwanha n'lopwanoola, n'hononatja elapo, ni nawaateeliha oliviya n'ssokho wa Cesar, iiraka yena kristu, mwene. ³ Ni pilatus aahonkoha, iiraka: We omwene omajudeu? Ni ahaakhula iiraka: Nhu n'hohimya. ⁴ Ni pilatus aahowiirela akhulupale ana'nkuttho, naatthu ooteene: Akinoona ettekalyaawe nlopwanoola. ⁵ Massi ayenatja yaanopharenla yiiraka: Oyo nawaathuperya atthu, aassomihaka ajudea ooteene, akhumanaka ogalileia npaka vaa. ⁶ Vano Pilatus wiiwalyaawe wuulumeliyaka ogalileia, aahokoha wakhala wiira nlopwanoole aari ngalileu. ⁷ Watjuwenlyaawe wiira aahooleliya ni Erodes, yena aahon'vaha Herodes, ni mahuku yaale niyena aari ojerusalem. ⁸ Herodes, wamoonalyaawe yesu, aahotteeliya ventji, kontha waahovira owakathi mwintji yena apheelaka on'weha, ni aanawiiwa tjitthu tjintji mwaha woyena; Ni aawehenra woona nthoonhero woopankaawe yena. ⁹ Aanankohakoha nimoolumo mentji, massi yena khaakhuleetthu. ¹⁰ Yaahaavo akhulupale aanan'kuttho, nimayawantikha, amootheryaka ventji. ¹¹ Herodes naanakhottwaawe, antanhifuku, nuntarawatja, aahonwariha nlaya nooreera, ni aahon'hokolossera wapilatus. ¹² Nihuku nen'no Pilatus ni Herodes yahaataana; Kontha khayaapatthanatja ntthu nin'khwaawe. ¹³ Pilatus, nawiihanatjale akhulupale aanan'kuttho, mahumu, naatthu; aahowiirelatja. ¹⁴ N'hokiwiihera nlopwanoola, toko ntthu naakussa atthu; Nimi kinon'kohakoha ohoolowinhu, kihoonaka ekossalyaawe nlopwanoola, tjin'mootheryeenhu. ¹⁵ Hata Herodes, kontha Anoon'hokolossa. Moone Yena khapankale ethu yophuanela okhua. ¹⁶ Mi, phimaana, kinrua onttarussa nuunthukula'. ¹⁷ Pilatos ahokhanhenrihiya onthukula nanthukiya m'motja paara ma Judeu eriyari essukuhuulu. ¹⁸ Massi ayenatja yeera ekhuwelaka nkhai, yiiraka: 'Muinkumiheva nlopuanoola n'nithukulele Barrabas!'. ¹⁹ Barrabas aari nlopuana athukiye nlatto wowin'welela ni onan'nhatha . ²⁰ Pilato ahuulumatho, aphelaka onthukula Yesu. ²¹ Massi aale yanakhuwela nlelo, yiiraka: 'Mwuinkhomele, mwinkhomele'. ²² Ahowirelatho ekuaha yonathaaro: 'Essiyani? Nlopuanoola pankaleni yotakhala? Kontha mi Akimoonanale ethu yonhala yophuanela winviya. Vano, kinanttarussale, kinaarua onthukula'. ²³ Massi ayenatja yanakhuwela tjinene, alepelaka wiira Yena akhomeliye. Ni okhuwela wa athuaale yahonkhuitiri Pilatos. ²⁴ Vano, Pilatos ahoothuna waavaha ethu yaphelayeeyo. ²⁵ Yena ahonthukula yanlepenliaaya, yoole athukeliye nlato wo wiinva. Ahavahenra Yesu ntoko tjaapeehelaaya ²⁶ Owakathi wankussaaya vaavale,yahonkusa Simao, oCirene, yakhuma omattani. ni yahonkussiha nsalapa, antharaka Yesu. ²⁷ Athu eentji ni athiyana yantjukulela yaahoonthara. ²⁸ Massi Yesu ahaaweha, ni ahowirela: 'Assanaaka oJerusalem, N'hikunlele Mi, muiitjunlele ni naasaanen'nhu. ²⁹ Kontha anahala oowa mahuku ankelen'nhu wiira: 'Ahoreeriya yaale ahiyarale, ni mapele ahamwihale'. ³⁰ Vano, mwinkowiirela miaako: 'Tjinimorele', ni eruwa enikhuneele'. ³¹ Kontha, ayena ampakatja n'nho nriyuuyo onaari nkithi, enkokhumenlani waruaaka wun'ma?'. ³² Ni alopuana eeli anan'nhatha, yakhussiye, yakussiye ni Yesu wiira yinvakatjiye. ³³ Waphiyaliaaya nipuro wihaniyaka "Caveira", ahokhomeeliya vaavale, ni anan'nha yaale, m'motjooyo mphantti weelopuana nkinakuuyo mphantti weethiaya. ³⁴ Yesu ahiira: 'Paapa, mwaalevenle, khantjuwela ethu eneeraaya'. Yaahovahenrana mwaavi, ekawanaka Ekuwotjawe. ³⁵ Athuaale yeera ensankaka, ni akhuluale yari vavale yeera entarawatjaka, yiiraka: 'Yena howoopola akinaku, muin'hiye itjopole mwaneene, wakhala wiira Yena Kristo, Oothanliya ni Muluku. ³⁶ Naanakhotto yaale yeera entarawaka Yena, Envahaka evinakere, ³⁷ yiiraka: 'Wakhala wiira we oMwene omaJudeu, witjoopole'. ³⁸ Yaahavo yantikhiye mwahaawe: 'OOLA MWEENE OMAJUDEU'. ³⁹ Nanthukiya m'motja akhomeliye, ahonruwana iiraka: 'We kiira oKristo? Wiitjopole ni onoopole hivano'. ⁴⁰ Massi nkhuawe yoole ahomuakhula, ni anvanhihaka, ahiira: 'Khunomoova Muluku? onarieene othukiya? ⁴¹ Hiivano, wekhueeli, niriiva ni esariya, kontha ninaakhela yeele en'niphuanela wo mitekotjihu. Massi nlopuana oola khiivo ethu epankale awe. ⁴² Ni ahiiratho: 'Yesu, wakupuwele wakela wuu mweneni Waa'. ⁴³ Yesu ahomwiirela: 'We khweeli kinoohimeria wiira, elelo vaavaon'hala okhala ni miivano opeephooni. ⁴⁴ Yaahophiya ewoora thano na mootja, yahokhumemla ewiriphietuniya yootene mpaka ewoora khentta, ⁴⁵ Ntjuuwa naahohiya opharela ni ekurtina yoo nkapela ya haanhuwa eriyari. ⁴⁶ Ni, akhuwelaka ni ntju nowin'waniaa, Yesu ahiira: 'Paapa, m'matatani winhu kinawuuvahenrani Erooho waka'. Nahimialeene, Aahokhua. ⁴⁷ Owakathi woonale awe on'holeli aanakhotto ethu yakhumenlale, ahonvuwiha Muluku, iiraka: 'We khweeli nlopuana oola aari na sariya'. ⁴⁸ Owakhathi owaale aya athua aale wiira ayoone yakhumenlale, wonale aaya, yahohokolia yitjattaka etherema. ⁴⁹ Massi yaale yantjuwela Yesu, ni athiiyana yantharale okhuma oGalileia yahokhala nttayi nttayi, ewehaka n'nha tjithun'ya. ⁵⁰ Ahaavo nlopuana m'motja ihaniya Jose, nlopuana osariya, ⁵¹ oArimateia, epoma yo Judeia. Yena anriha omwene wa Muluku, (yena khathunale nulumo nakhumale wa holeli yaale). ⁵² Nlopuana yoola, ahorua mpaka wa Pilatos, aholepela erutho ya Yesu. ⁵³ Yena ahonkurussa, ahonvilikela nlensolini ahorua osunka nmahiiye yathipiye m'muaakoni, nipuro wari aaya hinaheliya nthu. ⁵⁴ Waari nihuku nowithenkatjiya, ni mapikoosa wo sabado. ⁵⁵ Atiyana yeetta ni Yena okhumela oGalileia yahoona mahiye yaale ni eruthua awe manan'na tjessiya aaya vale. ⁵⁶ Yahohokolia tja ni yahothenkatja ekaruma tjonukhela ni makhura onukhela. Vano, esabado yahomimula ntoko ekettelo tihimalia aya.