¹ Waahoonanyaa wira essukuhuulu yo phaawu yoohimiropo, yiihaniyaka paskoa, yaahaatthamenla. ² Ni akhulupale aanamkuttho ni mayowantikhatja yaanuulukela tjoopheela omwiiva yesu, vano ayenatja yaanaawoova atthu. ³ Sotuani aahonkela Judas iskarioti, yoole onkhuumi nayeeli. ⁴ Ni judas aahorwaa ovaanela naakhulupale aanamkuttho naahooleli okapela tjoophela yenani on'variha yesu. ⁵ Ayenatja yaahotteeliya nrima ni yaaholeehana on'vaha mssurukhu. ⁶ Yenani aahotthuna ni aahophela owakathi won'variha ottayi waatthu. ⁷ Waphiyalyaaya nihuku nossukuhuulu no phawu tjoohimiropo, waakhanlyaaya ehitiyaka epwittipwithi yo paskoa yaakhala yoovahenriya. ⁸ Yesu aahonruma Pedro ni oao, iiraka: Nrwee mwathenkatje eyoolya yo paskoa, wira nilye. ⁹ Ayenatja yaahonkoha: Vayi onpheeleenhu wira natthenkatje? ¹⁰ Yena aahowaakhulatja iiraka: Mwiikelakaru mpooma n'naahala onkuman'na mlopwana n'motja nakussale mwaapu womaatji. Mwan'thare mpaka enupa en'halaawe okela. ¹¹ Ni mwamwiirele mwaneene enupa: Mwiitthutjihi iiralee. Nipuroni nin'halaaka olyaa naarumeyaaka? ¹² Vano yena naahala wuuthonherani esaala yuulupale yoottenkatjiya, ntthonkomanihatje mon'mo. ¹³ Vano ayenatja yaahorwaa ni yaahopwanha tjooteene toko yena tjaahimyalyaawe, ni yaahotthenkatja eyoolya yo paskoa. ¹⁴ Waphiyalyaaya owakathi, yenani aahookoma naarumeyaawe. Vano ahaahimeerya wiira: ¹⁵ Miivano kihopheela ventji tjinene olya ninhu epaskoa yeela kihinaaya ohuva. ¹⁶ Vano kinawoohimeeryani wiira: Miivano akinaakulelatho olya, mpaka omwene wan'luku on'malelaaya. ¹⁷ Vano yesu aahokussa ekaalisse emotja aahothakathifiha, iiraka: Mkuseeke ni nkawelaneke. ¹⁸ Vano kinoohimeeryani wiira: Khan'nowuryatho n'hokorokho wonri, mpaka omwene wan'luku wan'waaya. ¹⁹ Vano yena aahokusa ephawu ni waathakathifihalyaawe, aahomyaaniha ni aahaavahatja iiraka: Elaa phiiruthuaaka enkhaleenhu n'vahiyaka. Mpanke tjitjon'mo nkuupuwelaka miivano. ²⁰ Womanan'na yaayo, wamalalyaawe olya, yenani aahokussa ekaalisse iiraka: Ekaalissiila waataana wophiyaaru weephomyaaka, enkhala yoomwarissiya mwanhu. ²¹ Massi ntatanawe yoole n'hala okivariha ri nimiivano wameetja. ²² Weekhweeli mwaana antthu mpanka toko tjihimiyaaya. Massi hotakhaliya yoole nkon'variha. ²³ Ni ayenatja yaahopatjera okhana yaayoru, tipani oopanka yeeyo. ²⁴ Vano waahun'wa ottehattehiya wira tipani nohala wiihaniya muulupale. ²⁵ Ni yesu aahowiirelatja: mapewe ontuniyani anaaruma toko assineene, ni yaale arina mlamulo ampwanela wiihaniya ooreera mirima. ²⁶ Massi eyo ehkhale tjitjon'mo wanhu, ohiyavaa, yoole ori muulupale wanhu akhaleke toko nan'ttonpe. Ni yoole ri muulupale akhaleke toko nanteko. ²⁷ Vano tipani ri muulupale, tiyoole ookomale wameetja, walaa tiyoole ri nanteko? Khanakhala yoole ookomale wameetja? Vano miivano kiri eriyariinhu toko nan'teko. ²⁸ Massi nhu nkhaleke toko yaale aneetta nimiivano moottehattehiyaniwaka. ²⁹ Miivano kinawoossunkerani omwene, toko athumwanaka tjikikhuluvelihalyaaya. ³⁰ Wowiira n'lyeeke ni n'wuryeeke wameetjawaka, muumwenenimwaka, ninhu mookomeke weehitjeni n'hukhumwaka maloko khumi nayeeli owiisrael. ³¹ Simao, Simao, okiiweehe, sotuani holepela wira ootheheni toko tjinveeriyaaya etiricu. ³² Massi miivano kihoolepelani wiira waaminiwinhu ohivirikane. Ni mwiivahenravale, mwaalipihere assun'ninhu. ³³ Ni Pturu aahiira: Pwiya, miivano kiri owiitthonkomaniha wiira kirwee ninhu moohaawani ni okhwa ninhu. Yesu ahaakhula wiira: ³⁴ Mi kinoohimeerya wiira: Peturu, nthupi khaniipa emaara tthaaru nihuku nolelo woohikiruna wiiraka khunkitjuwela. ³⁵ Yesu ahaakohatja: Woorumalyaakani woohin'rupa, wala tjoowara, ehaavo yoothuaaleni? Ni yaahaakhulatja: Mena. ³⁶ Vano yesu ahaahimeeryatja wiira: Yoole rina n'rupa n'motja akusse ni tjitjin'mo etthu yowiissunkera. Yoole hirina ekatana atumihe ekuwaawe, athume emotja. ³⁷ Kinoohimeeryani wiira tjooteene tjantikhiye wamiivano tjinawiiranyaa: Ni yena aakhalihiya toko ntakhali: Vano tjooteene tjihimiye wamiivano tjiniira tjiiranyaaka. ³⁸ Vano ayenani yaahiira: Pwiya, tjihaavovaa ekatana piili. Ni yesu aahiira: Tjihotossa. ³⁹ Waamanlyaaya olya, yesu aahokhuma arwaaka omwaako Woolivera, toko elamalelwaawe, ni arumeyaawe yaahon'thara. ⁴⁰ Waphiyatjalyaaya, yenani aahowiirelatja: Mlompeke wiira n'himore moottehattehiyani. ⁴¹ Yesu ahaahuluwatja arumeyaawe arwwaka wanlukuni, aahokhoroma, alompaka. ⁴² Paapa, nhun'naathuna, n'hulusse ekaalissiila wamiivano, woohikhala otthunawaka, massi otthunawinhu. ⁴³ Vano naahonkhuruwela nlaikha naakhuma wiirimu, ninlipiheraka. ⁴⁴ Vano waakhalaawe niikuru paatepessaawe olompa, woohihiyenra, ni orettheelawawe yaakhuma maatji toko ephome amorelaka vathi. ⁴⁵ Vano, wamalihalhiaawe mavekeloaawe, Yena aahowa mpaka nipuro naari arumueaawe ni aphuanhale arupaka, nlatto wo tjukula tjukulatjaya, ⁴⁶ ni aahakoha: 'N'norupatjani? Nkavuwani ni nvekele, wiira n'hikele muttehiyani'. ⁴⁷ Owakathi Wulumaawe, athu yeera ewaaka ni Judas, yoole apihera khumi neeli, aawa ohoolo wawe wiira ambejari, ⁴⁸ massi Yesu ahomwirela: 'Judas, onontumiha Mwaana Anthu ni bejo??'. ⁴⁹ Vano yaale yaari eriyari ya Yesu yaahoona yeele yirania, yaahira: 'Pwiya, naarakaliheke ni katana?'. ⁵⁰ Vano ahokhuma m'motja wa yaale ahonrakaliha nanteko ankhulupale anamukutho ahonthikila n'nharu mphantti weelopwana. ⁵¹ Ni Yesu hiira: 'Wahophiyera, mwaahiye' Ni Yena ahonkuanha n'nharunawe ni aahonvoniha. ⁵² Yesu ahowiirela akhulupape anamukutho, naaholeli onkapela ni mahumo yanweelale Yenani: 'Nkiwelale wokhalaka ntoko kilatarawu, ni katana wala ni kopitti? ⁵³ Owakathi wariaaka ni nhuuva enupa ya Muluku, mankhi mwahakivaren'nyo. Massi oola owakathin'nhu ni kuru tjo mwipiphini'. ⁵⁴ Wanthukaliaaya yahonkussa ni yahonwana enuupa ya nkhulupale anamukutho. Massi Pedro, ahonthara nttayi nttayi. ⁵⁵ Onavirale owakathi vakani, yahoparihela nipuhe vapuwani yahonkomatja nkhayi. Pedro ahonkoma vaavale naa yenatja. ⁵⁶ Nankhalaniya m'motja aahomoona nonkomalene ohoolo wo moorole, ahon'wehetjessa ni ahomwirela: 'Oola nlopwanoola ari ni Yooyo'. ⁵⁷ Massi Pedro ahokhotta, iraka: 'Nthiyana, mi akinoontjuwela Yooyo'. ⁵⁸ Owakathi vakani, ahokhumenla nkhuaawe ni ahiira: 'We keera nloko neen'no, massi Pedro ahiira: 'Nlopuana akinakhala'. ⁵⁹ Onavirale ewoora emotja, ahiratho nkinaku: 'Wekhueeli nlopuanoola ari ni Yooyo, kontha Yena ngalileia'. ⁶⁰ Massi Pedro hiira: 'Nlopuana, mi akintjuwela ethu en'himiaa'. Ni wowakuvawene, ulumakan'no nlelo, nthupi ahiipa. ⁶¹ Apwiya yahorukunuwa ni yahonweha Pedro. Ni Pedro ahupuwela nulumo na Pwiya, wa mwirenliaaya: 'Elelo, nthupi hinathi wiipa, onaahala okikhotta emaara thaaro'. ⁶² Wakhumaliaawe, Pedro aahunla tjinene. ⁶³ Vano alopuana yanthukale Yesu Yanantarawa ni yanamwatta. ⁶⁴ Ananthukalene wiitho, yahonkoha yiiraka: On'himiaatje, nthu waattale?' ⁶⁵ Ayena yanantarawa ahimiatjaka tjithu tjikina. ⁶⁶ Wassaliaaya, mahumo athuaale yahothukumana, ni aholeli anamukutho ni anamalepa ekano. Ayena yaahonkussa ntiribunali yo majudeu, ⁶⁷ yiiraka: 'Wakhala wiira wee oKristo, onihimerie'. Vano Yena ahakhula: 'Kuhimeriani, khan'nohala okupali; ⁶⁸ Kuukohni, khan'nohala okaakhula. ⁶⁹ Massi, okhuma n'navaa npaka onruweehu, Mwaana aa Nthu nkowonkoma mpantti welopuana we kuuru wa Muluku'. ⁷⁰ Oteenewaya yahiira: 'Vano, We omwaana aMuluku?' Ni Yesu ahakhula: 'Nhu moohimia'. ⁷¹ Vano ayentja yahiratja: 'Ninkowaphelelanitho massahiti? Nihomwinwa vaa Mwaneene.