¹ Wahirania, nihuku nimotja, Yesu anawassomiha athu ntemplo ni anawalalera ehapari; yahowa akhulupale anamukutho ni anawantikhatja, nkhai ni mahumu ² ni Yahonkoha: "Onihimerie, ekuruni tjimpakanawe tjithun'nha? Ni tipani ovahale ekurun'nha? ³ Yena ahowakhula. "Hata ni mi kinamukohani: ⁴ Nkihimerie mpattisso wa Joao wari wa Muluku walani wa pinatamo?". ⁵ yanakohakohana yayooru yiraka: "Nakhulaka: "yo wirimu" Yena n'hala wira: "vano n'hinonthunelani?" ⁶ Massi niiraka: "wapinatamu", athu otene anahla onihomakatja, kontha ahotjuwela wira Joao ari profeta. ⁷ Vano ayenatja ahakhula wira khayatjuwela nipuroni. ⁸ Ni Yesu ahowirela: Hata ni mivano akinohimeriani ni kurini epakanaka tjithun'nha. ⁹ Yesu ahantja wattonkela athuaale n'na nlikanihon'na: "Nlopwana m'motja ahana emattawe, ahahiyera anamalima, ahorwa elapo ekhuawe owakathi mwintji. ¹⁰ Ni onavirale owakathi ahonruma nanteko m'motja wanamalima, wo wira avahiye n'hokorokho wo mattayele. massi anamalima, yahomwatta, yahon'hokolossa wohithu. ¹¹ Vano ahonruma nanteko nkinaku ni yooyo yahomattatja yahon'yeviha ni yahon'hokolossa wohinvaha ethu. ¹² Yena ahonrumatho oneeraru, massi ayena hata nuule yahonrakalihatja ni yahomomolatja. ¹³ Vano mwanene ematta ahira: "Kirekeni? Kinanruma mwamwanaka onofentaka. Poti anahala on'hissimo. ¹⁴ Massi anamalima waminaliaya, yahantja ovanela yayoru, yiraka: Ola timphela ohalana ematteela. Nimwiive, wira ematteela ekhale yawihu. ¹⁵ Ayenatja yahomomolatja m'mattanim'mwe ni yahomwiiva. Ahala owirihani, vano, mwanene ematta? ¹⁶ Yena nahala owa ni wakwanhula ale anamalima ni wavaha ematta akinaku". Vano winwaliaya ile, yahiratja: "Eyo ehiranie!". ¹⁷ Massi Yesu ahaweha, ahira: En'himiani yela yowantikhiyeela: Nluku nikhottaliaya anamateka nihokhala nluku nofaita? ¹⁸ Otene yole n'hala omorela nlukun'ne nahala onhakattiatja; ni yole nkela omoreliya nahala othatuwa nthupi. ¹⁹ Owakathi yoole, anawantikha ekano ni aholeli anamukutho yanaphelatja manan'na ophela onthukela.vano phatjuwelelaaya wira nlikaiho nattonkaliawe Yena khanawatja ayenatja. Massi yanawoova athuaale. ²⁰ Ni awehawehaka nurattavenlia, aharuma anamawehaweha, ikhaliha onassariya, wo wira yoone wira yanossilokotha Molumuaawe, wira yanvahenre anaworti. ²¹ Vano ayenatja yahonkohatja, yiraka: "Mwinthutjihi, ninatjuwela wira onawuluma ni onaso,iha saneene, ni khuwikelakelihale na ath massi onassomiha nttala wa Muluku wonayeli ekhweli. ²² Hi onaphwanela olova nsokho wa Cesar walani mena? ²³ Massi Yesu ahotjuwelela olavilaviaaya ni ahira: ²⁴ Nkithonhihere nsurukhu. ekhoveelava ni ntjinan'nava nawani? Ni ayenatja yahakhulatja: "Ya Cesar". ²⁵ Yesu ahowirela: "Vano mwinvahe Cesar eri ya Cesar ni ya Muluku eri Ya Muluku". ²⁶ Ni khaphwanhale ethu nulumo eriyari yathu, massi ossankatjene Nu wakhulawawe, yahomalatja. ²⁷ Yattamelaka ma Saduceu, ankhotta okhala ovuwenla, ²⁸ yahonkoha yiraka: Mwithutjihi, Moises honihiyera yowantikhiya, akhwaka mun'nawe nthu, nari othela ni hirina assaana, n'himaweooyo hana akussaka wakhaliha amwarawe, ni opanka nloko na mulupaliaawe. ²⁹ Yahavo assun'na saapa, wopatjeroni anoothela ni phukhwaka wo hassana, ³⁰ hata onayeliuuyo ³¹ ni oneraruuyo ahonthela ni nankhweli, ni ossapa, hata khayahiyale assana, ni yahokhwatja. ³² womaleloni, athiyanaayo yahokhwa. ³³ Vano, wovuwelela, otene yaale tipani ahala okhala mwarawe? oo saapa yaale ya hathela. ³⁴ Ni Yesu howirela: "Assana otuniya yeela anathela, ni an'nothelana. ³⁵ Massi yaale anlamuliya ophwanha yoole owakathiuule ovuwenla eriyari ya nookhwa khan'hala othelana. ³⁶ Ayenatja khanphwanela okhwa, analikana ni malaikha ni assaana a Muluku, anari assaana ovuwenlihiya. ³⁷ Vano yaale akhwale anahala ovuwenla, ntoko Moises wathonhyihenriaawe nipuro noo sarça noopharela, nipuro yena nowihanaawe aa Pwiya Muluku aa Abraao, Muluku aa Isaque ni Muluku aa Jaco. ³⁸ Muluku khanakhala Muluku anookhua, massi akumi, otene yaayo ankhala mwaha wawawe. ³⁹ Anawantikhatja ekano ahiratja: "Mwinthutjihi, ohakhula saana". ⁴⁰ Khunphuanela wukohatho ethu. ⁴¹ Massi yahonkohatja Yesu: "On'wa tjani wiiriaka wira kristo mwaana aa Davi? ⁴² Vano yooyo Davi hira nlipvuruni ya Salmo: "Muluku ahowirela apwiyaaka: Monkome moonoaka welopwana, ⁴³ mpaka wanruaka wahela awananin'nhu vathi wonhaatjinhu. ⁴⁴ Davi amwihana Kristu 'Pwiya' on'watjani Yena akhalaka mwamwanawe? ⁴⁵ Okhala wira athu otene yanamwiinwa, Yena ahowirela awinthutjiaawe: ⁴⁶ "Ratta nanamalepa ekano, anatjivela wetta ni maliaa, anafenta makhomatjo m'maparaça, ni khatera tjohoolo tjo m'masinagoga ni ekhato tjopatjera m'massukuhuluni, ⁴⁷ ahukhatjaka enupa tjanankhueli, yithepiaka apankaka mavekelo ottaliva. Yaala anahala wakhela nttarusso nuulupale.