1 Yesu aherela arumeyawe: khunvileliya wera tjinawa tjottakhala masi hottakhaliya ole eriyarihu yeyo tjinikhumenla iya tjithonho. 2 Worerela wera attukoliya wankoliya wanlukuni nankani, ni arilheliya npanoi, wovirikana wamerisa ale anamuani ala. 3 Mkhaleke owiwelela akhalaka wira mum´ninhu namuukosserani munthukeleke, yena iituthuwavale, munlevemle. 4 yena okosserani emaara sapa nihuku nimotja niimaara sapa waakulela hiiraka. ´kihiituthuwa´ mumlevenle. 5 Arumeyi yaahowiirela apwiya. mwimtjere wahi waamini. 6 Apwiya yaahaakhula. M´narina waamini toko ethaka yomostarda mwaanawiirela mri wira okhumeva wiiphatye mpharya waanaawiwelelani. 7 Tipani wanhu, narina nanteko mlima wala mkhalenla enama, amwiirelaka nahokolyaale omathani, owe wookome olyeke? 8 Woovirikana, kham´mwiirela: okipamkele eyoolya, wiithomkomanihe, oware ekuwotja vano okivahe eyoolya, mpaka wam´halaka olya nuuwurya, vano onahala olya nuuwurya? 9 Onaapwanela yena onssukhuru namteko komtha hopamka yeele yiiralyaawe? 10 Tjitjom´mo tootho nhu, mwapamkaka tjooteene tjimrumiyenhu, m´namwira: naananteko oohipwanela, komtha nipamkale yaahalehu opamka. 11 Mthala woojerusalem, yesu aanavira eriyari yoosamaria ni ogalileia. 12 Akelaka mtjoko m´motja, yaahomkhumenla anamakuthula khuumi. Ayenatja yaaheemela nthayinthayi ni yena. 13 Ni yaahokhuwelatja, yiiraka:`` Yesu, mwithutjihi, m'noonele ekiriri. 14 Nawoonaleene, aahowiirela: ``mrwee mwaathoonhere akhulupale . Ni yaahonanya nimthala yaahovonatja. 15 M´motja wo yaayo, noonale wiira hovonihiya, ahohokolyaa, anvuwihaka mluku nuukhuwela. 16 Ni ahokokhora vamethoni wa yesu, anvahaka mahala. Ola ari msamaria. 17 Vano yesu aahokoha, khayaari khuumi avonale? Ari vayi naanyaayo? 18 Khakhumenlale mkwaawe hokolyaale wira anvuwihe mluku, woohikhala ola mkhuma elapo yoothayi? 19 Ni aahomwirela: ovuwe, orweke, waaminiwa ohowoopola. 20 Nihuku nimotja, afaritji yaahokoha owakathi waahalaaya owa omwene wamluku, yesu ahowaakhulatja: Owa woomwene wamluku khinakhala ethu em´hala woonya. 21 Khamum´hala wira, ola va, wala olenwe, komtha omwene wamluku ori eriyarinhu 22 Yesu ahowirela arumeyaawe, anaahala ophiya mahuku am´halenhu ophela omoona mwana amthu, ni khamum´hala omoona. 23 Ni ayenatja anaahala owirelani: Orivaa, orinwe, m´hikhume, wala m´haathare. 24 Vano phanka overunha onawaarya tjinene toko mphanthe mkwawe wo wiirimo, tjitjom´mo phi´halaya okhala nihuku namwana amthu. 25 Wuupatjeroni yena naahala ohuva tjinene nuukhothiya nen´na nikhotom´na. 26 Tjitjom´mo toko tjiiranyaalyaaya mahuku a Noe, tootho enaahala okhumenla mahuku a mwana amthu. 27 Yaanolya, yaanowurya, yaanaathelana ni yaanaathelihana, mpaka Noe wakelalyaawe mkalawani, ni yaahowa epula kwaakwanhula ootene. 28 Womanam´na yaayo toko tjiiranyaalyaya mahuku a Lo: yaanaalya, yaanaawurya, yaanaathuma, yaanaatumiha, yaanawaala, yaanaateka. 29 Massi nihuku naakhumalyaawe Lo Osodoma, waahokurusiya mooro woohimala wiirimu waahaakwanhulatja ooteene. 30 Tjitjom´mo phim´hala woonanya mwaana a mthu. 31 Nihuku nem´ne, m´hala okhala watjulu enupa naria mihakhu mpani, hyikhuruwe wira arweele .Ni yoole m´hala okhala omathani hyihokoleele othuli. 32 Muupuweleke amwaara a Lo. 33 Yoole mpheela woopola ekumyaawe enamrimeela, massi yoole enomrimeela ekumyaawe naahala woopola. 34 Kinawoohimeeryani, ohiyu yooyo eeli anari wakorini, naarwa okusiya m´motja, ohala m´motja. 35 Ankoopwanhiya athiyana eeli asilaka, ankookusiya amotja, ohala amotja. 36 Eeli am´hala opwanhiya omathani, mkookusiya m´motja ohala m´motja. 37 Ni yaahonkohatja: Vayi pwiya?. Yaahaakhulatjiya: Nipuro niri eruthu, vaava phunkumaana asaaka. 37 Ni yaakhulatjaka yaahiiratja: Vayi, pwiya? Ni yena aahowakhulatja: Opuro ori erutthu, anakhuku phunkumaanaaya.