¹ Hata Yesu tjitjam'moahowirela arum'mwe: "Ahavo nlopwana m'motja thatjiri yooyo ahana nanteko ettiha n'hakuaawe, ahohimiatjiya wira nahonona n'hakhuuyo. ² Vano nlopwana thatjiriuuyoahomuihana ni ahira: "Essiyani ila enin'waka mwaha wawa? Vano opanke ekontha wa mahuku ovaralia ntekon kontha khunkhalatho nantekoaaka". ³ Natekooyo ahitjirela: "Kirekeni, n'nava apataru anakikumiha nteko wowettihera n'hakhu? Mi akirina ekuru wo thipa ni kinawoona ehaya olepela. ⁴ Kihotjuwela ethu yopheela opanka wira, wan'halaka womoliya nteko, athuaayo yakakhenle m'mawan'nhaya". ⁵ Vano natekoole ahomuihana wakuta nthu anlokihaya apatarauaawe ni ahonkoha opatjera: "Apatarau anolokiha kavi?" ⁶ Yena ahira: "Mwapu emiinha tjo makhura". Ni nantekoole ahomwirela: "Okusse ekontheeyo, wonkome va phiyaru ni wantikhe wira kinlokihiya hancini". ⁷ Vano nantekoole ahomwirelatho nkinakutho: "Ni we anolokiha kavi? Ni yena ahira: "Mphimelo eminha tjo tiriku" Yena ahomwirela: "Okusse ekontheeyo ni wantikhe thamaanini. ⁸ Apwiya yahonttottopela nanteko ohiroromelia, kontha yenani apankale nulavilavi. kontha assaana otuniyeela alavilavi nathuaaya ovirikana assaana omwinthukoni. ⁹ Mi kinowirelani: "Mwipanke opathani mwanenen'nhu wariyari wo mihakhu tjohikhueli, wo wira tjamalakavale, ayenatja yawakhenleni n'mawan'nhaya. ¹² Ole nsukhuru vakani hata yintji naassukhuru, ni yoole hinssukhuru vakani hata yintji khansukhuru. ¹⁰ Onari tjom'mo, mihakhu tjontunuyanin'nha khusukhunru, tipani nkela wukhuluvela ni mihakhu tjekekhayi? ¹¹ Ni tjithu tjassinene khamwaroromela, tipani ahala wuvani wawinhu? ¹³ Kavo nanteko navarela nteko mapatarau meeli, kontha kan'hala otjivvela m'motja ni anfenteke nkinakuuyo, walani nohala opathana ni nkinakuuyo ni anrusseke nkinakuuyo. N'hivarele nteko Muluku ni owakathi yooyo nsurukhu. ¹⁴ Owakathi mafariseu, yaale yakhala efentaka nsurukhu, yanawin'wa n'nha tjithun'nha, yanantarawa. ¹⁵ Massi Yena ahiira: "Nhu n'nawihimahimeria eriyari wakuntha nthu ni khuaawe, massi Muluku natjuwela mirimatjinhu. Yeele enttittimihiya napinatamu enkhala ethanhika eriyari wa Muluku. ¹⁶ Ekettelo ni maprofeta tjahokhala mpaka owa wa Joao. mpaka n'nava, ehapari yo Mwene wa Muluku en'nolalen'ya, ni otene anamananiha okela mom'mo. ¹⁷ Vano khurikale omala erimu nithaya wovirikana okumiha yowantikhiya yo kettelo nuukhaliheriyatho ethu. ¹⁸ Yoole naahiya amwaarawe ni anthelaka nthiyana nkina neetta oluva, ni nonthela nthiyana ohin'ya namweetta oluva. ¹⁹ Ni ahaavo nlopwana thatjiri, awaraka ekuwo tjoreratja ni anopanka essukuhulu mahuku oteene ni mihakhutjaawe tjintji. ²⁰ Massikhuni ihaniyaka Lazaro, arupathala wankhorawewe, otjara makhuatta. ²¹ Yena anophela olha yeele yamora wameetja ya nlopwana thatjiriuule ni mpaka elapwa tjanowa onlatatja makhuattaawe. ²² Wanonania wira massikhiniuule ahokhwa ni ahokussiya ni malaikha orwaniya nipuro nari Abraao. Thatjiriuule ahokhwa, ahossikhiya. ²³ Yena ahorwaniya omooroni, ahuvihiyaka, yanani ahopharula menthoaawe ahomoona ottayiwene Abraao ni Lazaro noromale oholowawe. ²⁴ Vano yanani ahokhuwela, iraka: "Abraao, okonele ekiriri, onrume Lazaro ananihe nikokhonawe attonhihere wa nliminiwaka, kontha kihosanka wamooroniva". ²⁵ Vano Abraao ahira: "Mwanaka, on'nupuwela wira, onarieene nkumi, we ahaana tjithu tjoreera, mphantti nkinaku Lazaro ahakhela tjithu thohireera. Massi n'nava Lazaro ri omalihiya n'no, vano weyova ori ohawatja. ²⁶ Kontha ori muin'nano, wo wira yoole nkela okhuma orihun'no wo wira awe n'wo hikhuitiri, ni khaavo nkela okhuitiri okuma oriaan'wo owa oriihun'no". ²⁷ Thatjiriuule ahira: "Kinawulepela Abraao, wo wira pwiya anrume wan'napapaka, ²⁸ kontha kihana assun'naka athanu kimphela wira ayena akhale ohimeriya wa nipuro oriakaan'no, kontha kinawoova nayeenatja omalela won'no oriaakan'no". ²⁹ Massi Abraao ahra: "Ayenatja ahanatja Moises ni maprofeta, wahiye ayenatja awin'welele". ³⁰ Ni thatjiriuule ahakhula: "Mena tithi Abraao, massi akhuma m'motja khuale aruaaka mpaka nipuro niriaaya, anahala wituthuwa". ³¹ Abraao ahira: "Ayenatja yamwin'wenle Moises ni maprofeta, hata un'wenlihiyaka nthu okhua khan'hala omwin'wela.