¹ Owakathi yoole athu akinaku yahonthonkela Yesu mwaha wo magalileu, ninan'na ephome Pilatos anotakanihera ni mikuthotjaaya. ² Ahera Yesu: "Nhu n'nupuwela wira yaayo magalileu phiri anamatheka, nlatto wohuva manan'naala? ³ Mi kinawuhimeriani wira mena. Massi mwahituthuwe, nhuva otene n'nahala orimela womanan'na olokana. ⁴ Walani yale khumi na naane yamoreliye ni nupa yo Siloe ni yahowinva, n'noniha wira ale phari anamatheka tjinene ovirikana alopwana oJerusalem? ⁵ Mi kinawuhimeriani wira mena. Massi mwahituthuwe, otene nhuva n'nahala orimeela. ⁶ Yesu ahohimia n'na nlikanihon'na: "Nlopwana m'motja ahana nri m'motja walaliaawe m'mattaniwawe. Ni awaka oweha n'hokorokho, khaphuanhale. ⁷ Vano ahomwirela nlopwana avara m'mattaniuule: "On'noona, tjovira miaakha miraru mi kiwaka oweha n'hokorokho nriuula ni akimphuanha. Othikile! kontha onakhala wohifaita wathayaniva? Ole ahomwakhula: "N'hiye mwakhoola, wira kithipe nkerekherewaya ni kunttelihe. Wahim'me vale, othikile. ⁸ Ole ahomwakhula: "N'hiye mwakhoola, wira kithipe nkerekherewaya ni kunttelihe. ⁹ Winmavale mwahiuula, ohiye, wahim'me vale, othikile. ¹⁰ Yesu era assomihaka nsinagoga, esabadu yeele. ¹¹ Ni yahaavo athiyana yahana mwaakha khumi nanaane yahana eretta; ayena yaarina nthana worukunuwa, ni khayahala okhala owemela. ¹² Yesu wawonaliaawe, ahowihana ni ahira: "Nthiyana, Nri otaphuliya eretteela". ¹³ Yena ahataphulela ntata, ni owakathi yoole ayena yaahokoa ni yananvaha mahala Muluku. ¹⁴ Massi, N'holeli osinagoga ahokhala otikinihiya nlatto Yesu wowavoniha nihuku nosabado. Vano ahowirela athua yaale yari vavale: "Ahavo mahuku sita ophela ovariya nteko. Nmwe, ni nkhale ovonihiya yaala mahukuaala, ni ni kahi esabado". ¹⁵ Apwiya ahomwakhula iraka: "Namototha! Tipani wa nhuva hinthukulela ntjitji no muapuuru walani no mope ni akussaka wira yavurie nihuu nosabado? ¹⁶ Vano, ola mwana Abraao, nsasera anthukaliaawe mwakha khumi nanaane, khumphwanela okhalana mikhoitjawe tjitaphuliyawe nihuku nosabado ¹⁷ Owakathi Yena wahimalaawe tjithun'ya, otene yaale Yanvanhiha yahokhala ni haaya, massi athua entji etteliyaka ni miriria Yena tjapankaawe. ¹⁸ Vano, ahowirela Yesu: "Omwene wa Muluku onlika ni siyani ni kinlattanihani? ¹⁹ Yena ori ntoko ethaka yomostarda nlopwana m'motja hokussa ni horihela n'mattaniwawe; ni wahun'nuwani wahokhala nri mulupale, ni enuni tjahoteka epuuru nrittaniwaya". ²⁰ Ni ahiratho Yesu: "Olikaniheriyekeni Omwene wa Muluku? ²¹ Yena ori ntoko efermento yakusaliaawe nthiyana atakaniheraka ni phimelo thaaru yo tiriku mpaka wimpaliaaya. ²² Yesu anawotola ni anassomiha wakhuta epoma ni vila ephiro yo Jerusalem. ²³ M'motja ahonkoha: "Pwiya, ari vakani ankela wopoliya?". Vano Yesu ahowirela: ²⁴ "Mwilipeke wira nkele nkhora wophuria, thimana kinawuhimeriani wira anahala ophela okela ni khan'hala okela. ²⁵ Wankelaawe ovuwa mwanene ethoko ni athukaka nkhora, vano nhu n'nohala okhala ota mwattaka nkhora ni mwiraka: "Pwiya, Pwiya, n'nihiye nikele! Ni Yena nahala owirelani: "Mi akinotjuwelani ni akintjuwela onkhumen'nhu". ²⁶ Vano n'nahala wira: "Nanolia ni nanovuria ni nhu, ni Nhu mwananisomiha mparaparani". ²⁷ Massi Yena nahala wakhula: "Kinawuhimeriani akinotjuwelani. Nkikhumeleva, nhu mwapanka tjithu tjohiloka!". ²⁸ Ni onahala okhala wunla ni okhura men'no wankelen'nhu omoona Abraao, Isaque ni Jaco ni maprofeta mu mweneni wa Muluku, massi nhu n'nokela oriheliya ota. ²⁹ Ayenatja onkela owa onkhuma ntjuwa ni onkela ntjuwa, mphantti wohitto ni mpantti wotjulu, ni anahala wonkoma wa metja mu mweneni wa Muluku. ³⁰ Ni ahaavo omalela an'hala okhala opatjera ni opatjera an'hala okhala omalela. ³¹ Onavirle owakathi vakani, mafariseu akina yahowa mpaka nipuro nariaawe Yena ni yahiratja: "Okhume va kontha Herodes mphela owinva". ³² Yesu ahira: "Nrwe mwamwirele khuateooyo: "Kinawomola asotuani ni kinahala ovoniha elelo ni meelo, ni nihuku noneeraru kinahala okhua. ³³ Vano onaphuanela wira kivare elelo, meelo, ni mpaka nihuku nikinakun'no, khumphuanela profeta okhua ottayiwawe Jerusalem. ³⁴ Jerusalem, Jerusalem, niwinva maprofeta ni anahomakatja yaale anrumiya. Ekuaha kavi tjiphelaliaaka watakaniha assanen'nhu ntoko mwalakhu natakanihaawe assanaawe vathiwaya mapuphaawe, massi we khuthunale. ³⁵ Vano enupen'nhu enahala othamiya. Mi kinawuhimeriani wira khan'nohalatho okona mpaka owakathi onkelen'nhu wira: "Oreriya thi yoole nowa mwantjina na Pwiya.