¹ Ni yena iiraawe alonpaka. Wamalihalyaawe, aahiira mrumeyaawe n'motja: Pwiya, n'nifunthihe olompa, toko Joao tjaafunthalyaawe arumeyaawe. ² Ni yena aahoweerelatja: Mweevekelaka, mwiireke: Pwiya, ntjinaninhu nithakathifiye, omweneenhu owee. ³ N'nivaha nkathe wokhula nihuku. ⁴ N'nilevenle tjoothekatjihu, toko tjinaalevenleehu an'nithekela, n'nikumihe moothehiyani. ⁵ Ahaahimeeryatja yesu: "tupani wanhu, akhalana mpwanaawe ni mrwaa ohiyu eriyari mpaka varyaawe, iraka: Mpwana, okikopihe ephau thaaru, ⁶ Kontha mpwanaaka nookiweela, nii mi akineethu yoon'vaha; ⁷ Ni eri n'hina enamwaakhula: "Ohikiparaphare, kontha nkhora ori woothukiya ni assaanaaka ni mi niri vankorini. Mi akinthuna ovuwa ni wuuvahawee". ⁸ Mi kinawuuhimeeryatjani, wira hata wahinvuwaawe wira an'vahe nlathu wookhala mpwanaawe, wotjitjon'mo, mwaha wookhanhenra, yena naahala ovuwa, ni naahala on'vaha yooteene en'halaawe opheela. ⁹ Ni mi kinawoohimeeryatjani, nlepele, n'naahala ovahiya, nrweele, n'naahala opwanha, mwaathe nkhora, n'naahala ohuleliya. ¹⁰ Kontha ooteene nlepela, nawaakhela, nrweela, naapwanha, ni naatha nkhora, naahala ohuleliya. ¹¹ Nan'yarini wanhuuva, niira mwaamwanawe anlepela ehopa, anvahaka enuaa? ¹² Wala alepela n'nhotje, an'vahaka namareere? ¹³ Vano wakhalaka nhuuva, ootakhala mirima, n'naatjuwela waavaha assaaneenhu tjooreera, tjaahaleenhu waavaha athumwaninhu owiirimu, n'nepa nthakathiifu, wa yaale yaahala woolepelani? ¹⁴ Owakathi nkwaawe, yesu iira oomoolaka n'nepa wootakhala, ni yoola khuulumatja. N'nepa wootakhala onakhumale, yoole ahuulumatja aahuuluma, ni athu yaahotheeliya. ¹⁵ Akwaawe waathuaale yaahiira: Yena nawoomola minepa tjootakhala wa Belzebu, n'hooleli aatakhali. ¹⁶ Akwaawe, anttehattehaka, yanlepela ethoonhero yowiirimu. ¹⁷ Massi yena, atjuwelaka muupuweleluaayatja, aahowiirelatja: Omwene wooteene on'hala okawanyaa eriyaryaawe onkhala woohiithu, ni enupa enaamora. ¹⁸ Wakhala wiira satanas ri okawaniaatja, omweniawooyo on'hala okhala tjani? Vano nhuva n'niira wiira kinowomola assetuani ni Belzebu. ¹⁹ Kawoomolaka assetuani ni Belzebu, vani kinowoomola assanaweaayo mua pani? Nlatto wa yeeyo, vano yaayo pin'hala wulamulani. ²⁰ Massi, wakhala wiira Kinowomola ni nikokho na Muluku assetuaniaayo, vano omwene wa Muluku ohoweelanni. ²¹ Wakhala nlopwana oolipa, rii owithenkatjeene, naasunka enupaweeyo, ekarumatjaween'nho tjiri tjokhikitjeria. ²² Massi akhumenlaka nlopwana olipessa anthemaka, naamwakha ekaputhitjawen'nho ni nakuanhulatja ekarumatjawen'nho. ²³ Yoole hiri ni mivano naakiwanana, ni yoole hinthukumaniha ni mivano, navavarissatja. ²⁴ N'neepa wotakhala wakhumaka eruthu ya nthu, naavira aphelatjaka mapuro ophela omumula. Ahiphuanheke, nawiira: 'Kinahokolela owan'nhaka, okhumaliaaka'. ²⁵ Ahokoleelaka, aphuanhaka yokuetjieene enupeeyo ni yothenkatjiya. ²⁶ Vano, yena nakhuma orwa okookussa massuhapa saapa otepa tjinene, oteenewaya anrwa okhala wen'we. Vano, makhalelo anlopwanoole, anatepa ovirikanatho ni yaale opatjera. ²⁷ Ni wahimaliaawe tjithun'nhe, Nthiana n'motja eriyari yathuaale ahokhuwela tjinene ni ahowiirela: 'Oreria thi yaale yuuyaraleni ni ewamwihakani'. ²⁸ Massi yena ahiira: 'Wahinaaya, oreriya piyaale anin'wa Nulumo na Muluku ni an'sunka. ²⁹ Athuaale wintjivaaya, Yena ahantjera wiira: 'N'na nikhoton'na niri nikhoto nohikhuluveliaa. Anwela nthoonhero, massi nthonhero kan'hala ovahiya, ohikhala nthoonhero na Jonas. ³⁰ Ntoko Jonas tjakhanliaawe nthoonhero no Ninive, hata ni mwaana an'thu n'hala okhala nthoonhero wa nikhoto neen'na. ³¹ Apwiyamwene oosabaa anahala ovuweenla, nihuku nomilatto, wamotja waathu onikhoto nen'na ni anahala wathukela, ayena yahokhuma mapuro ottaliva wiira ayiinwe otjuwelatja wa Salomao. Havo vaa on'vikana Salomao. ³² Athu oo Ninive anahala okhumela, nihuku nomilatto, naathu onikhoto nen'na ankela othukeliya, kontha ayena ahiituthuwa ni pregacao ya Jonas. Havo vaa mulupale onvikana Jonas. ³³ Khaavo, noo pharihela lampadaawe, khunvithaka nkitihina, massi vakanaaniaa, wo wiira yoole n'hala okela yooneke. ³⁴ Niithona elampada yoruthu. Nakhalaka nithonaa thinoorera eruthuaa yotene enkhala yomwaleeliya. Massi nakhala wiira nohilikaloka, eruthuaa yootene enkhala mwipiphini. ³⁵ Phimaana, mwirattavenle wo wiira nthuko oriaa ohikhale womuipiphini. ³⁶ Wakhala wiira eruthuaa yootene eri otjaria nthuko, ohikhalaka mhantti m'motja mwipiphini, vano eruthuaa yoteene en'hala okhala ntoko elampada, wariawayaan'wo wu mwaleelaka. ³⁷ Wamlihaliaawe wuuluma, nfarizi m'motja Ahonlattula wiira arwe alhee ni Yena owan'nhawe, vano Yesu horwa ahoonkoma wa mesani. ³⁸ Nfarizi aahotikinihiya ni Yena nlatto wo hinhawa hinathi oolha. ³⁹ Massi aaPwiya yahomwiirela: 'Nhu afarizi, n'nomakela orapiha ekopo ni paratho otawaya, massi n'hinanmo ori wootjaria tjonhala ni wiin'nha. ⁴⁰ Athu oohilika! vano yoole no paanka ota khanpanka n'hina yeeyo? ⁴¹ Mwavahe amassikhini eri n'hinawinhu, n'nahala okhala orereene. ⁴² Massi nhu, mafariseu, n'novaha nthakelo wo pimento ni tjihu tjikithi, massi n'nakhotta essariya ni nfento wa Muluku. Wa naphuanela ovara ni sariya ni ofenta Muluku, n'hikhottelaka tjithu tjikhuaawe. ⁴³ Nhu mafariseu wutjivani mapuro opatjera m'masinagoga ni ottittimihiya m'maparaça. ⁴⁴ Massi nhu n'nokhala ntoko mahiye ohitjuwaniaatja, athu wan'nhakelatjaaya, ehitjuwelelaka. ⁴⁵ Ni ntjuwelatji n'motja okethelo aahohimya: "mwiithutjihi, en'himyeenhu n'naaniruwana". ⁴⁶ Yesu ahaakhula: Nhu tjitjon'mo, atjuwelatji okethelo, n'naakussa athu nimirinthi tjoolemela massi khanthunatjale okwanha hata ninikokhoninhu nimotja. ⁴⁷ Nhu n'nopamka mahiye aarumeyi ni athu okhalayi yiivatjalyaaya. ⁴⁸ N'naakhalelatja onaamoona, wira n'nokhala nvaraka miteko tjaathu okhalayi tjipankalyaaya, naayenatja massahiti kontha ahiivatja arumeyi, ninhuuvaatja n'naatekatja mahiyaayaayo. ⁴⁹ Phimaana n'himya otjuwelatja wamuluku: arumeyi ni makhulupale kinawaavahenra ni akwaawe wo yaayo anaahala owoomolaniha nuuwiivatja. ⁵⁰ Vano nen'na nikhoton'na ninkhalela ossahiti yophome yaarumeyi ooteene, emwaressiye nen'ne epathussiye etuniya. ⁵¹ Ekhumelo ephome ya Abel mpaka Zacarias, kwaale waaltar niinupa ya muluku: kinoohimeeryatjani tjo: Tjooteene tjin'hala otharusseliya nen'no nikhoton'no. ⁵² Nhu atjuwelatji okethelo, mwiivahatjenre otjuwelatja; wanheenhuvaatja khankelatjale, ni n'haakhothiiha yaakela. ⁵³ Ni aahimeeryatjaka tjithun'nha, mayowantikha ni mafaritji yaahantja onfunha tjinene, ni yaamananiha wira uulume tjithu tjintji. ⁵⁴ Anryaatjaka etapha ni apheelatjaka enan'na wira uulume ni amootterye.