¹ Ovirawaya eyoo, yahathonhihera akwawetho sapini na pili, aharuma, eli ni eli, oholowaya wa epoma yotene ni mapuro yeena waphenliyawe orwa. ² Ni hirelatja: "Ohepha ventji, vano anantekwo ari vakani phimana mwalepele anene ohephanwo, wera yena avahenre ananteko wera ayihephe. ³ Nrwe! Mi kinorumani manna mwakihero eriyari tjelapwa. ⁴ Nhikusse etjako tjonsurukhu, wala nrinthi wo kwaha, wala etjanphali ni nhimulumihe nthu ni phiro. ⁵ Wakhula enupa enkokhalen'nyu, npatjere wera: N'rethele okhale wayeela enupa. ⁶ Vano wahikhaleke, yena n'rwa okhala wa yooyo, massi, vano wakhaleke, yena onrwa ohokoliya wa yen'nyuvatja. ⁷ Npharenle wayeyo enupeyo, n'liyaka ni ovuriyaka yeele enkokhalanaya ayenani, kontha nanteko onpwanela oliviya, mwikhale mwakakhanihaka enupa ni enupa ⁸ Wa khula epoma enkokhalenyu ni mwakheliyaka, nliye wa yeele enkovahiyenyu ohoolo winyu. ⁹ Ni mwavonihe alee aretha ankokhala wonwo. Mwirele: omwene wa Nluku ohophiya wanyu. ¹⁰ Massi wakhula epoma enkokelen'nyu, ni mwankheliyaka, n'khume n'rwaka mwithalani ni mwire: ¹¹ Npaka n'thupi nompomawinhuno nikenle n'mwethoniwinhu nintata wa nyu! massi ntjuwele eyoo, wera Omwene wa Nluku ori vakhiviro. ¹² Mi kinohimerani wera, nihuko nophukelaniya, oonarwa okhala olevenliya sodoma ovirikana wa yeele epoma. ¹³ Ahotakhaliya, a Corazim! Ahotakhaliya, Betsaida! kontha, mitikiniho tjipankalenyu tjapankiye o Tiro nu Sidom kontha tjoone anituthuwale akhalayi ni anonkomale wathurani, ni mathapwatha osakho. ¹⁴ Phimana, anaarwa olevenliya a Tiro ni Sidom nisariya wovirikana wanyen'nyuva. ¹⁵ We, n'kafarnau, we onona wera onahala okussiya orwa wirimo? Wovirikana we onhala okussiya orwkw vathi, wa Hades. ¹⁶ Anwinwaniyayo, anakiwa mi, ni anokhothaniyayo, nimi anakikhotha, ni vano ankikhothayo ni anawakhotha yaale kirumale". ¹⁷ Vano yaale sapini yahohokoliya nutheliya, yiraka: "Pwiya, npaka asetwani ahothothopelani ntjinaninyu". ¹⁸ Yesu ahirela: "Mi kihomona setwani amoraka wirimo manna etari. ¹⁹ Mi kihovahani oweriya wera n'nhakele tjitho ni munkolo, ni tootho oweriya wa n'mwananinhyu, ni khivo enhaala wupankani ethu. ²⁰ Vano tootho, mwitheliyeke n'latho woneepa wokhuruwelani, massi n'theliyeke ventji n'latho womatjinenyu okhala ossunkiya wirimo". ²¹ Wayoole onkithiyoole, yena ohotheliya ni N'nepa wowariya, eraka: "Mi kinawuthunani, papa, Pwiya owirimo ni vathi, kontha n'honvitha niya tjithunya wayaale ari otjuwela ni owinthutjihiya, massi n'halohiha yaale tjo ohorerela wona winyunwo. ²² Tjitho tjotene kinowaminiya Napaapaka, ni khavo nontjuwela tipani yoo mwana hikhanle papa, ni khavo nonyjuwela papa hikhanle mwana ni yaale anphela olohihiya ni Mwana". ²³ Ni, ahokoleliyaka ale arumeyi, yeena ahira: "Oreriya ari phale anona tjithu tjinonenyu. Woona tjithu tjinonenyu, massi khanhala woona, winwa tjithu yjiniwen'nyu, ni khanhala winwa. ²⁴ Kontha Mi kinawuhimeriyani wera anamoloha entji n mwamwane yahophela woona tjithun'yo tjinonenyu, massi khakhanle owona, winwa tjithu tjiniwenyu, ni khayiwale. ²⁵ Niri mwithutjihi a ekethelo tjo Judaika ohovuwa wera anthehatheheke, iraka: "Mwithutjihi, kipankeke esiyani wera kikele okumi wohimala?". ²⁶ Yesu ahomwirela: "Eri esiyani yowanthikhiya mwa ekethelo? On'soma tjaani?". ²⁷ Yena, vano, ahakhula : "Mwanfenteke Apwiya ri N'lukuwinyu ni n'rimenyu wootene ni mwamananinyu ntoko weyova". ²⁸ Yesu ahomwirela ohotjipwa ratha opanke tjenyo. ²⁹ Massi mwinthutjihi, aphelaka wihimiyatja, ahonkoha Yesu: "Tipani mwathamanaaka?". ³⁰ Nuwakhula, Yeau ahera: Nlopwana n'motja akhuruwa o Jerusalem arwaka o Jerico, yeena ahomora n'matatani wa avatinyu ni ahinyeriya tjarinawe, ni ahathiya, ahinye aphelaka okhwa. ³¹ Ni ahavo namukutho awela wa yoole nthalole ni, vano omoonawawe, ahovira nphanthi nkina. ³² Wolataana nlevita n'motja, ophiyawawe yo opuro ni ahomona, ni tjho ahovira n'phanthi nkwawe. ³³ Massi nsamaritana n'motja arwa ekwahawe ahomwathamenla ni ahomona, ni ahokhalana ekiriri ³⁴ ni, omwathamenlawawe, ahalokihatja makwatha ni anmwariselaka nipha wa yaayotja. Yena ahopakhiriya n'puruniwawe, ahonkussa wa anamavoniha ni ahokhaliya. ³⁵ Nihuku nikina, ahokumiha missurukhu mili, ahavaha anamavoniha ni ahirela: Mwinkhalihere, ni surukhu n'mwarihe, mi orinen'nyu, mi kihokoliyaka, kinawulivani. ³⁶ Wayaale araaruwale, nuwupuwela winyu, aruwale vakhiviro wa yoole amon're n'matatani wa vatinyu?" ³⁷ Mwinthutjihi okethelo ahira: "Yoole wanre nikiriri ni yeenani". Yesu ahirela: "Orwe ni opanke yeeyo". ³⁸ Vano Yesu ni awithutjawe yahopanka nkwaha, yahophiyatja eparassa emotja, ni ahaavo nthiyano n'motja ihaniya Marta ahakhenlatja owanyhawe. ³⁹ Yena ahaana n'himawe n'motja ihiniya Maria, yoole onkomale wa mwethoni wa Pwiya ni inwaka moolumwaya. ⁴⁰ Marta, eraa athonkomanihaka eyooliya wera akharipulelatje. Yena ahowa npaka wa Yesu, ni eraka: "Pwiya, khanrina naata ni n'himaka kihiyaliyawe kikawatjaka vekhaka? Nmwirele, wera ikikhavihatje". ⁴¹ massi Apwiya yahomwakhula, ni amwirelaka: "Marta, Marta ori otheliya ni tjithu tjintji, massi ⁴² ethu emotja eri yorera. Maria athanlale yari yorera, ni yoo nphanthiyo khunrwa opankeliya ethu.